Kungiyoyi

Daga IBRAHIM MUHAMMAD a Kano Injiniya Abubakar Usman Ahmad, sabon zaɓaɓɓen shugaban ƙungiyar masu sana'ar sayar da wayoyi a kasuwar titin Berut, ya bayyana cewa za su yi ƙoƙari wajen kawo sauye-sauye masu nagarta don bunƙasa ci gaban masu sana'ar sayar da wayoyi a kasuwar. Ya ce Allah ne ya ƙudurta shi zai samu nasara a zaɓen da aka yi, ba domin ya fi kowa ba, sai dai haka Allah ya so, don haka abokan kawo canji da suka yi takara tare su zo su ba shi haɗin kai da goyon baya, don haɗa hannu domin kawo ci gaba a…

Daga BASHIR ISAH Gobe Labara idan Allah Ya kai mu, ake sa ran gudanar da taron ƙaddamar da Ƙungiyar Haɓɓaka Harshen Hausa ta Ƙasa reshen Jihar Neja domin ci gaba da bunƙasa harshen Hausa yadda ya kamata. Taron wanda za a soma shi daga kan ƙarfe 10 na safe, zai gudana ne a Cibiyar Nazarin Harkokin Shari'a da Gudanarwa ta Fati Lami Abubakar (FLAILAS) da ke yankin Kpakungu a garin Minna, babban birnin jihar Neja. Manyan baƙin da ake sa ran su halarci taron sun haɗa da: Mai Martaba Sarkin Minna, Alh. (Dr.) Umaru Farouq Bahago da Farfesa Aliyu Muhammad…

Daga SANI AHMAD GIWA Shugaban Ƙungiyar Ɗalibai ma su Tattara Bayanai da Adanawa a Asibitoci ta Nijeriya (NAHIMS), Kwamared Jibril Salihi a Jawabin wurin taron ƙara wa juna sani na wuni biyu da ya gudana a Abuja, ya bayyana cewa, “mun shirya taron ne da sada zumunci da haɗin kai da son juna da ɗaga martabar ƙungiyar da ƙarfafa wa juna gwiwa akan sambuwar majalisar Zartarwa na ƙungiyar da aka zaɓa watannin da suka gabata. Jibril ya ƙara da cewa, “al'umma su fahimci irin muhimmanci da sashin tattara bayanai da Adanawa a Asibitoci a Nijeriya.”Manƴan baƙi ne daga sassan Nijeriya…

Daga MUHAMMAD MUJITABA Ɗaukacin ƙungiyoyi da ɗaukacin al’ummar Dawakin Tofa, ƙarƙashin jagorancin mai girma Sarkin Dawaki mai Tuta na Masarautar Bichi kuma Hakimin Dawakin Tofa, Alhaji Ismail Ganduje, sun yi alƙawarin ba wa Gwamnatin Tarayya da gwamnatin Jihar Kano haɗin kai kan irin cigaba da ƙaramar hukumar Dawakin Tofa ta ke samu na cigaba kan gine-gine na Makaranto Gwamnatin tarayya da na Jihar Kano a wannan lokaci. Wannan Jawabin ya fito ne daga bakin Alhaji Abdulahi Ismail Ganduje wanda aka fi sani da Yarima ya bayana a wata hira da manema labarai a Kano a ranar alhamis ta gabata. Yarima…

Daga IBRAHIM MUHAMMAD a Kano ’Yan kasuwar kayan abinci da ke Dawanau a Jihar Kano sun koka da yadda sama da shekaru ake ta jan ƙafa wajen gudanar da zaɓen shugabannin ƙungiyar ’yan Kasuwar wanda yanzu haka a sakamakon hakan ake tafiyar da ƙungiyar ƙarƙashin kwamitin riƙo da shugaban ƙaramar hukumar Dawakin Tofa ya kafa da kuma wani Shugabancin da suka gudanar da zaɓen ƙungiyar da Alhaji Mustapha Mai Kalwa yake jagoranta. Binciken da muka yi ya nuna cewa, tsohon zaɓaɓɓen shugaban ƙungiyar ’yan Kasuwar da ya jagoranci ƙungiyar har karo Biyu, Alhaji Mustapha Mai Kalwa daga baya ya sauka…

Daga MUHAMMAD MUJITABA A cikin makon nan ne aka rantsar da shugabanin haɗaɗiyar ƙungiyar cigaban unguwar gwammaja da ke Dala ta Jihar Kano watou ‘Gwammaja Development Forum’ ƙarƙashi shugabancin Abdulshakur Tahir, a matsayin babban shugaban GDF na farko. Shugabanin da aka zaɓa kuma aka rantsar da su ne Sani Usman, mataimakin shugaba, Fatihu Sani Imam Sakatare, Baffa Ismail, mataimakin sakatare, Abba Rabiu Ali, Sakataren kuɗi, Mujittafa Ismail, ma’ajin kuɗi, sauran dai su ne akwai Mustapha Abdullahi a matsayin jami’in hulɗa da jama’a, Fatihu Ashiru Lawan, Jamil hulɗa da jama’a na biyu, jami’in kula da jin daɗi  ’yan qungiyar GDF shi ne…

Daga MUHAMMAD MUJITABA Sheikh Malam Tujjani Mai Salati Indabawa na daga cikin manya baƙi da suka halarci gagarimin taron Maulidi na makarantar Islamiyya mai suna Ma’ahad Sayyidina Usman Litahafizul Ƙur’an a karo na shida da ke unguwar wailari cikin ƙaramar hukumar Kumbotso Jihar Kano, wanda ya gabata a ranar Lahadi ta gabata a harabar makarantar. Haka kuma ya nuna farin ciki da wannan maulidi wanda ya nuna da cewa abu ne mai falala a duniyarmu da lahirarmu. Kamar dai yadda malam Tujjani Mai Salati Shugaban Fitiyanu Islam ya nuna haka. Shi ma a jawabin sa shugaban makarantar a Ma’ahad, Malam…

Daga IBRAHIM HAMISU a Kano Ƙungiyar Raudhatu-Rasul Ayagi ta yi bikin bayar da kyaututtuka ga zakarun musabaƙar yabon Annabi Muhammad (SAW). Taron wanda shi ne karon na farko ya gudana ne a unguwar Gwauron Dutse, makarantar Hajara Buhari cikin birnin Kano. Bilyaminu Zakariyya Ayagi (Abulwarakat) shi ne shugaban ƙungiyar Raudha ya ce, sun shirya taron ne don zaburar da matasa yadda za a tsabtace yabon ma’aiki (SAW). Mai martaba sarkin Kano, Alhaji Aminu Bayero ya ce, ya yabawa wannan ƙungiya inda ya ce, "muna alfahari da samuwar irin wannan ƙungiyoyi da matasan cikin al'ummarmu ke yi don yadawa da qara…

Daga UMAR AƘILU MAJERI a Dutse Wata ƙungiya mai rajin kare lafiyar ƙananan yara tare da haɗin gwiwar GSK ƙarkashin shirin yaƙi da cutar nimoniya sun samar da tallafin kayayyakin kiwon lafiya da magunguna wanda kuɗin su ya kai aƙalla naira miliyan 50 a cibiyoyin lafiya guda 35 a Jihar Jigawa. Shugaban shirin yaƙi da cutar nimoniya, Dakta Adamu Isah ya bayyana hakan a lokacin da ya ke miƙa kayayyakin tallafin ga Gwamnatin Jihar jigawa wanda aka gudanar a ofishin ƙungiyar ceto ƙananan yara da ke Dutse. A cewarsa, sun samar da kayayyakin tallafin ne bayan nazarin da suka yi…

Daga JOHN D. WADA a Lafiya An buƙaci mata musamman matan Musulmi da su ke yankin Ƙaramar Hukumar Keffi na Jihar Nasarawa da ma ƙasar baki ɗaya da su ci gaba da riƙe ibada da amanar aurensu a duk inda suka tsinci kansu a kuma kowanna lokaci. Shugabar ƙungiyar matan musulmi da aka fi sani da ‘Matan Da’awa’ ta ƙasa reshen Jihar Nasarawa, Malama Aisha Ibrahim ce ta yi wannan kira a lokacin da ta ke zantawa da wakilinmu a garin Keffi hedikwatar ƙaramar hukumar Keffi a Jihar Nasarawa. Ta ƙara da cewa, kiran ya zama wajibi idan aka yi…