Da Ɗumu-ɗumi: Ɗan takarar gwamna na PDP a Abia ya kwanta dama

Daga BASHIR ISAH

Ɗan takarar gwamna na Jam’iyyar PDP a Jihar Abia, Farfesa Uchenna Ikonne, ya riga mu gidan gaskiya.

Wannan na zuwa ne yayin da ya rage ƙasa da wata biyu kafin zaɓen 2023.

Babban ɗan marigayin, Chikezie Uche-Ikonne ne ya tabbatar da rasuwar marigayin a ranar Laraba.

“Cikin alhini nake sanar da rasuwar mahaifina, Farfesa Eleazar Uchenna Ikonne, wanda ya rasu a Babban Asibitin Ƙasa da ke Abuja,” in ji Uche-Ikonne.

Sanarwar ta nuna ɗan takarar ya rasu ne da misalin ƙarfe 4:00 na asuba bayan fama da taƙaitaccen rashin lafiya.

Ta ƙara da cewa nan gaba za a yi wa jama’a cikakken bayani bayan ahalin marigayin sun haxu sun tattauna.

Leave a Reply

Your email address will not be published. Required fields are marked *