Jerin malaman da za su yi muƙabala da Sheikh Abduljabbar a Kano

Daga IBRAHIM HAMISU a Kano

A daidai lokacin da aka gab da fara muƙabal tsakanin Sheikh Abduljabbar Kabara da malaman Kano, an bayyana sunayen malaman da zai fafata da su.

Malam da ake sa ran za su yi zaman muƙabala da Sheikh Jabbaru a yau Asabar, su haɗa da; Malam Abubakar Mai Madattai daga ɓangaren Tijjaniyya da Malam Kabir Bashir Ƙofar Wambai daga ɓangaren JIBWIS da Dr Rabi’u Umar Sani Rijiyar Lemo daga ɓangaren Salafiyya, sai kuma Malam Mas’ud Hotoro daga ɓangaren Ƙadiriyya.

Shugaban Jami’ar Istiƙama da ke Kano, Farfesa Salisu Shehu, shi ne alƙalin muƙabalar.

Mal. Abubakar
Mal. Kabir Bashir
Mal. Mas’ud Hotoro
Dr Rabiu Umar
Farfesa Salisu Shehu