A jiya ne hukumar tattara kuɗaɗen shiga ta RMAFC ta ce kowane Sanata yana karɓar Naira 1,063, 860 duk wata a matsayin albashi da alawus.
A wata sanarwa da shugabanta Muhammed Bello Shehu ya fitar, ya ce albashin sanata na wata ya kama kamar haka:
Tsurar albashin N168,866.70
Alawus na fetur da motoci N126,650.00
Alawus na mataimaki N42,216.66
Alawus na ma’aikatan gida N126,650.00
Alawus na nishaɗi N50,660.00
Alawus na kayan aiki N50,660.00
Alawus na Jaridu N25,330.00
Alawus na kaya N42,216.66
Alawus ɗin Kula da gida N8,443.33
Alawus din aikin mazaɓa N422,166.66
Hukumar RMAFC ta bambanta tsakanin alawus na yau da kullun da ake biya kowane wata tare da ainihin albashi da alawus.
Waɗannan sun haɗa da: alawus ɗin kayan gida (N6,079,200.00) da giratuti (N6,079,200.00): Ana biya sau ɗaya a kowane wa’adi; Alawus ɗin mota (N8,105,600.00): sai bashi da za a iya ɗauka a biya kafin barin ofis.
Don hana ba da labarin ƙarya, hukumar ta shawarci ‘yan Najeriya da su rika samun cikakken bayani a shafin su na yanar gizon ta.
