Kungiyoyin jin kai sun dakatar da aikin su saboda hare-haren Isra’ila da suka yi ajalin mutane a Gaza City. Wannan ya kawo tsaiko wajen rarraba abinci, magunguna da kayan agaji. UNRWA ta yi gargadin cewa idan har wannan hali ya ci gaba, dubban mutane za su shiga cikin bala’in rashin abinci da lafiya.
Dakta Fatima Khalil, kwararriyar lafiya, ta ce: “Yara da mata sune suka fi fuskantar hatsari yanzu. Dole a dauki matakin gaggawa domin ceton rayuka.”
ƙasar Amurka ta gabatar da tsarin “Bridge Proposal” domin tsawaita yarjejeniyar tsagaita wuta, ciki har da musayar fursunoni, shiga da kayan agaji, da rage hare-haren Isra’ila. Jake Sullivan, babban mai ba da shawara kan harkokin tsaro, ya ce wannan shiri zai ba da damar samar da kwanciyar hankali ga fararen hula, amma lokaci yana ƙurewa.
Masana harkokin diflomasiyya sun ce idan Amurka ba ta samu haɗin kai daga Isra’ila da Hamas ba, wannan shiri ba zai yi tasiri ba.
