Yadda wata ɗiyar sarki ta haƙura da masarautarsu don ta auri talaka

Wata gimbiya ‘yar gidan sarauta ta yi watsi da dukan jin daɗin masarautar, inda kuma ta auri wani talaka gama-gari. Wannan na zuwa ne bayan haɗuwarsu a shekarar 2012 a makaranta, lamarin mai ban sha’awa, jama’a sun yi tsokaci sosai kan masoyan, inda aka tattaro maganar jama’a kan batun.

Tashar Aljazeera ta ruwaito cewa, za a ɗaura auren gimbiya Mako ta ƙasar Japan da wani talaka mai suna Kei Komuro a watan Oktoba na 2021.

A baya kaɗan, an lura cewa ma’auratan sun yi ta yawo a intanet kwanakin da suka gabata bayan dangantakarsu ta zama sananniya ga jama’a.

Ta bar sarautarta saboda talaka domin ta auri mutumin da kowa ya san gama-gari ne kuma talaka, gimbiyar za ta ba da matsayin sarauta da gadon ta da ya kai biliyoyin kuɗaɗe.

A wani faifan bidiyo da Aljazeera ta yaɗa, ma’auratan sun haɗu da juna ne a shekarar 2012. An ce Komuro wanda lauya ne da ake fafatawa da shi a ƙasar Amurka.

Yadda suka shirya aurensu, an soke shirin ma’auratan na yin aure a shekarar 2018, bayan rahotanni da aka samu sun ce dangin angon na fuskantar matsalar kuɗi.

Ko da yake a ƙasar Japan ana tuɓe mace daga sarautarta lokacin da ta buƙaci auren talaka, hakan bai shafi maza ba. Rashin samun isassun maza a cikin iyali yana haifar da rikicin maye gurbinsu.