Daga BELLO A. BABAJI a Abuja
Tsohon Gwamnan Jihar Delta da ke Kudu maso Kudancin Nijeriya, Dakta Emmanuel Eweta Uduaghan, ya rasu bayan shafe shekaru 70 a duniya.
Rahotanni sun bayyana cewa Uduaghan, wanda ya shugabanci jihar daga shekarar 2007 zuwa 2015, ya rasu ne a safiyar ranar Litinin, 19 ga Oktoba, 2026. Saidai da fari, saboda gwamnatin jihar Delta ta musanta irin iƙirarin, akwai buƙatar a tabbatar da rahoton na yanzu gabanin wallafawa.
An sanar da labarin rasuwar ne a wata takarda da ke ɗauke da sanya hannun Toju Anire a madadin iyalan. Sun bayyana al’amarin a matsayin babban rashi a gare su, inda suka ce rayuwa da hidimarsa sun yi matuƙar tasiri akan mutane da dama a Jihar Delta da Nijeriya.
Uduaghan ya riƙe muƙamin Kwamishinan Lafiyar Delta daga 1999 zuwa 2003, da kuma sakataren gwamnatin jihar daga 2003 zuwa 2007 kana ya zama gwamna a 2007. A shekaru takwas da ya yi a muƙamin gwamnan ya samar da muhimman ayyukan ci-gaba da ababen more rayuwa a sassan jihar.
Kazalika, iyalan sun yi godiya ga ubangiji bisa rayuwa da hidimarsa, tare da addu’ar fatan samun juriyan rashinsa ga dangi, abokan arziƙi, abokan aiki da sauran al’umma.
