Daga BELLO A. BABAJI
Hukumar Ƙwallon ƙafa ta Ƙasa, NFF, ta ankarar da al’umma game da shafin bogi da aka buɗe a kafar X da sunan kocin Super Eagles, Éric Chelle.
A sanarwar da fitar ta kafar, NFF ta ce Chelle bai da wani shafi a kafar, inda ta yi gargaɗin cewa kada a jingina masa abinda aka gani a can, wanda ƴan damfara ne suka buɗe shi.
Ta ce shafinsa guda ɗaya ne, wanda shi ne a [@eric_chelle] a kafar Instagram.
Don haka ta yi kira ga al’umma da su riƙa amfani da shi wajen ɗaukar labaran da suka shafi kocin kai-tsaye.
