Wani faifan bidiyo na tsohon shugaban ƙasar Ghana, Marigayi Janar Jerry John Rawlings, ya sake bayyana a yanar gizo inda aka ji shi yana bayyana yadda aka yi masa wayo da kashe wani tsohon shugaban ƙasa, Janar Akwasi Amankwa Afrifa.
Za a iya tunawa cewa, Janar Afrifa, baya ga wasu manyan hafsoshin soji bakwai, an kashe su ne ta hanyar harbe-harbe a shekarar 1979.
A wata hira da ya yi da gidan rediyon Asaase, Rawlings ya ba da labarin yadda, kafin kashe-kashen, ya ziyarci wani abokin aikinsa don neman shawarwari kan hanyoyin da za a bi wajen bin diddigin mutanen da aka lissafa a cikin jerin harbe-harben.
Ya bayyana cewa tun farko ba sunan Janar Afrifa a cikin jerin sunayen, amma bayan tuntuɓar Janar ɗin sojan da ba a bayyana sunan sa ba, ya haɗa da Afrifa a matsayin wanda za a kashe.
“Na je ganin wani janar ɗinmu da ake matuƙar girmamawa, na ɗauke shi da daraja sosai, sai na nuna masa jerin sunayen, a gaskiya ina cikin yanayi mawiyaci, na kasa hana hawaye sauko min, saboda na yi ƙoƙarin hana kisan kwamandojin, bayan kusan sa’o’i biyu, sai ya tambayi inda rouge din yake saboda ba ya cikin jerin sunayen.
“Ban san ko wane ne mutumin da yake magana akai ba, don haka sai na juya don in gano ko wane ne mutumin,” inji Afrifa. Ya ce Afrifa ya ci gaba da samar da daruruwan kuɗaɗe masu yawa don shirya hamɓarar da gwamnatin Acheampong ,” inji shi.
Ya ƙara da cewa, Janar ɗin sojan da aka ce yana son Afrifa ya mutu ne saboda yana jin Gen Afrifa zai iya karɓar muƙaminsa.
“A wani ɓangaren, ni na yi wauta a wancan lokacin, sai daga baya ne na gano abin da ya yi, duk da cewa, zai iya yiws abin da ya faɗa ya zama gaskiya. Duk da haka, ina jin yana son Afrifa ne saboda yana jin bacin ran Janar Afrifa, a makaranta ta 66.”
Ya ƙara da cewa “Har sai lokacin sannan ya yi tunanin shi ne tauraro mai tasowa a lokacin. Mutumin da ke kula da ƙungiyoyin leƙen asirin ƙasashen Yamma… Na kasance ina girmama shi.” Ya ƙara da cewa Janar ɗin da nake zance yana raye har a lokacin da ake tattaunawa da shi, kuma ya yi yunƙurin kashe shi ba sai ɗaya ba.
“Shi mutum ne mai yawancin rai. Yawan yunƙurin da ya yi na kai ƙarshen rayuwata da wasu abubuwa masu yawa ne. Ina fatan zai kasance da rai don karanta wannan labarin,” inji shi.
