Daga BELLO A. BABAJI a Abuja
An zargi wani ɓarawo da sace wayar salular Kwamishinan Tsaro da Harkokin Cikin Gida na Jihar Kaduna, Barista Sule Shu’aibu (SAN).
Al’amarin ya faru ne a yayin wani taro da ke da alaƙa da harkar tsaro a Kaduna, ranar Alhamis.
Rahotanni sun bayyana cewa al’amarin ya auku ne a yayin da jama’a suka taru a wajen, lamarin da ya jefa alamar tambaya duk da matakan tsaro masu tsauri da aka ɗauka wajen ba taron kariya.
Zuwa lokacin kammala haɗa rahoton, ba a samu bayani akan wanda ake zargin ba.
Haka kuma, hukumomin jihar ba su fitar da wani saƙo akan lamarin ba.
