Daga BELLO A. BABAJI a Abuja
Mahaifiyar Ministan Muhalli da Albarkatun Ƙasa, Mallam Balarabe Lawal Abbas, Hajiya Ɗayyabatu Lawal Aliyu ta rasu.
A yammacin jiya Lahadi ta rasu a gidanta da ke Zariya City a Jihar Kaduna.
Wata majiya mai kusanci da iyalanta ta shaida wa wakilinmu cewa ta rasu ne bayan fama da wani rashin lafiya.
Marigayar ta shafe shekaru 93 a duniya.
Wakilin namu ya ruwaito cewa za a yi jana’izarta a yau Litinin da misalin ƙarfe 11 na safe acikin garin Zariya.
