Daga MAHDI MUSA MUHAMMAD
Adadin hauhawar farashin kayayyaki a Nijeriya ya ƙaru zuwa kashi 33.88 a watan Oktoba na shekarar 2024, daga kashi 32.7 a watan Satumban 2024, wanda ke nuna ƙaruwar kashi 1.18 a duk wata.
Hakan na ƙunshe ne a cikin rahoton da Hukumar ƙididdiga ta ƙasa (NBS) ta fitar a ranar Juma’a.
Ofishin ya danganta hauhawar farashin kayayyaki da hauhawar farashin sufuri da kuma tsadar kayan abinci.
A kowace shekara, adadin hauhawar ya kasance maki 6.55 sama da adadin da aka samu a watan Oktoba na 2023 (27.33%).
Wannan na nuni da cewa hauhawar farashin kaya ya karu a watan Oktoban 2024 idan aka kwatanta da wannan watan a shekarar da ta gabata.
A kowane wata, NBS ta ƙara da cewa, hauhawar farashin kaya a cikin watan Oktoban 2024 ya kai kashi 2.64%, wanda ya kai kashi 0.12% sama da adadin da aka samu a watan Satumban 2024 (2.52%).
Wannan yana nufin cewa a cikin Oktoban 2024, an samu matuƙar ƙaruwar farashin kayayyaki.
