Rahoto - Manhaja - Blueprint Hausa version

13 Oct

Ana kai ziyarar dubiya ga Babba Kaita bayan ya dawo daga duba lafiyar shi a ƙasar waje

ukarofi0 CommentsRahoto

Daga ABDULLAHI MUHAMMAD a Katsina Jama'a daga ɓangarori daban daban na ƙananan hukumomi 34 na jihar Katsina na ci gaba da yin tururuwa zuwa gidan dan takarar gwamnan jihar ta Katsina ƙarƙashin jam'iyyar ADC, Sanata Ahmad Babba Kaita domin yi ma shi barka da dawowa daga asibiti, da yi masa fatan alheri. Haka zalika 'yan uwa, dangi da tsaffin 'yan ajin shi, sanatan da abokan arziki su kai masa ziyarar dubiya da fatan Allah bashi ƙwarin gwiwa ya cigaba da abubbuwan alheri kamar yadda ya aiwatar lokacin yana sanata shiyyar Daura. Sanarwa daga jami'in hulɗa da jama'a na ɗan takarar…

11 Oct

Kano Film Village: Abdullaziz Dansmall ya gina sabuwar mafita ga Kannywood

ukarofiRahoto

Daga AISHA ASAS Samar da Kano Film Village na ƙara jan hankalin masana’antar fina-finan Hausa, bayan wani sabon rahoto da ya sake bayyana irin ci gaban da cibiyar ke samu a Kano. Wurin da aka samar domin sauƙaƙa wa masu shirya finafinai wajen samun wuraren ɗaukar shirye-shirye, an gina shi ne a hankali karkashin jagorancin ɗan fim kuma tsohon mai watsa shirye-shirye, Abdullaziz Dansmall. Rahoton City People da aka wallafa ranar 5 ga Oktoba ya bayyana cewa, Film Village da aka tsara a Kano a shekarar 2016 ba gwamnatin tarayya ce ta samar da shi ba, wanda daga baya aka…

07 Oct

Nijeriya a shekaru 66 : Wanne ƙalubale haɗin kan Nijeriya ke fuskanta?

ukarofiRahoto

Daga ABBA ABUBAKAR YAKUBU Kowacce ranar ɗaya ga watan Oktoba tana zuwa wa ’yan Nijeriya a matsayin rana ta musamman, ranar nuna farinciki da jin daɗi, saboda murna da samun ’yancin kai da ƙasar ta samu daga turawan mulkin mallaka na ƙasar Ingila. Bayan gwagwarmaya da faɗi tashin da kakaninmu na baya suka yi wajen tabbatar da ganin al’ummar ƙasar nan sun samu ’yancin gudanar da mulkin kansu da tafiyar da harkokin siyasar ƙasarsu da kansu. Ba za a ce an samu ’yancin cikin sauƙi ba, don mulkin mallaka, kamar yadda sunan ya nuna, mulki ne na nuna ƙarfin iko…

07 Oct

Saki boka ki kama Allah (2)

ukarofiRahoto

Daga SALIHA ABUBAKAR ABDULLAHI ZARIYA Barkanmu da sake saduwa a shafin Iyali na jarida mai farin jini Manhaja. A satin da ya gabata, mun fara shimfiɗa kan wannan darasi na mu, kuma da yardar Allah, za mu ɗora daga inda mu ka tsaya: Ya ku 'yan uwa mata da ba ku ƙaunar kishiya, shin kun san ƙaddarorin da Ubangiji ya rubuto a kanku ko kan 'ya'yanku mata? Shin ku na da tabbacin cewan ba a ƙaddaro mu su auren mazajen wasu ba, ina batun ƙanwarki, ko yayarki? Gabaɗayansu an faɗa miki su kaɗai za su zauna babu kishiya? Waɗanda ke…

07 Oct

Corticosteroids a kayan kwalliya

ukarofiRahoto

(Ci gaba daga makon jiya) Daga AISHA ASAS Wani lokaci mace kan sayi wani man shafawa ne saboda kawai an gaya mata cewa yana aiki. Ba ta san ainihin abin da ke cikinsa ba, ba ta san dalilin da ya sa canjin ya zo da sauri haka ba, kuma wataƙila ba ta ma tsaya ta tambayi kanta irin canjin da take gani a fatarta ba. Abin da ta sani kawai shi ne, tabon da take fama da shi yana raguwa, fatar ta fara yin laushi, ko kuma launin fatarta ya fara sauyawa kamar yadda take so. Amma a wasu lokuta,…

06 Oct

Zuwa ga masu ɗaukar doka a hannu

ukarofiRahoto

A duk lokacin da aka ji labarin wani mutum ya saci abu, ya yi wa wani laifi, ko kuma aka zarge shi da aikata wata mummunar ɗabi’a, abin da ya kamata al’umma ta fara tunani a kai shi ne yadda za a kai lamarin gaban hukumomin da suka dace domin gudanar da bincike da kuma tabbatar da gaskiya. Amma abin takaici, a wasu lokuta abin da ke faruwa shi ne akasin haka. Wasu mutane kan ɗauki doka a hannunsu, su mayar da zargi zuwa hukunci, su mayar da tuhuma zuwa kisa, ba tare da an ba wanda ake zargi damar…

06 Oct

Rashin tsaro: Jigo a jam’iyyar APC a Zamfara ya caccaki ‘yan jam’iyyar da ke maganar rashin kulawa da su

ukarofiRahoto

Daga SANUSI MUHAMMAD a Gusau Jigo a jam'iyyar All Progressives Congress (APC) a Jihar Zamfara kuma jakadan zaman lafiya a Afirka, Hon. Sani Gwamna Mayanchi, ya nuna damuwa kan yadda rashin tsaro ya addabi Zamfara, yankin Arewa maso Yamma da wasu sassan ƙasar nan. Hon. Mayanchi ya bayyana hakan a wani taron manema labarai da ya gudanar a Gusau yau Laraba. Ya ce zargin da ake yi na rashin bai wa mambobin jam'iyyar APC kuɗaɗe da tallafi ba shi da ma'ana, kuma zai iya jawo rashin fahimta da kuma ɓata sunan gwamnatin jihar. Ya ce ya kamata mambobin APC su…

06 Oct

Yadda abinci maras inganci da shaye-shaye ke jefa lafiyar ’yan Nijeriya cikin haɗari

ukarofiRahoto

Daga MAHDI MUSA MUHAMMAD Masana kiwon lafiya sun yi gargaɗin cewa, irin abubuwan da ’yan Nijeriya ke ci, sha da kuma amfani da su a kullum su na ƙara zama babbar barazana ga lafiyarsu da rayuwarsu. Sun ce yawan cin abincin da aka sarrafa fiye da kima, shan abubuwan zaƙi, barasa, taba da kuma miyagun ƙwayoyi na ƙara jefa mutane cikin cututtuka masu tsanani, tare da lalata muhimman sassan jiki da kuma haddasa mutuwa da wuri. Cututtuka masu barazana ga rayuwa kamar gazawar ƙoda, ciwon hanta mai tsanani, kansa, ciwon sukari da hawan jini na ƙaruwa a Nijeriya, inda masana…

05 Oct

Shettima ya ƙaddamar da motocin CNG 30 da napep na lantarki 200 a Katsina

ukarofiRahoto

Daga ABDULLAHI MUHAMMAD a Katsina Mataimakin shugaban ƙasa, Sanata Kashim Shettima, ya ƙaddamar da motocin sufuri 30 CNG masu amfani da dizal da wutar lantarki, tare da keke Napep na lantarki 200 a Jihar Katsina. Motocin za su yi aiki a Katsina, Daura da Funtua, yayin da jihar ke shirin samar da tashoshin sufuri na zamani guda 40 domin sauƙaƙa zirga-zirgar jama’a. Shirin keke napep ɗin na daga cikin shirin jihar na samar da keke 500, wanda ake sa ran zai ƙirƙiri damammaki ga matasa da masu sana’ar sufuri. Gwamna Dikko Umaru Raɗɗa ya bayyana shirin da cewa “Daga sauyin…

02 Oct

2027: Zan yi murabus idan Tinubu ya sha kaye a Abuja da Ribas – Wike

ukarofiRahoto

Daga SANI AHMAD GIWA a Abuja Ministan Babban Birnin Tarayya (FCT), Nyesom Wike, ya bayyana cewa zai yi murabus daga mukaminsa na minista idan Shugaba Bola Ahmed Tinubu ya gaza samun nasara a Babban Birnin Tarayya (FCT) da Jihar Ribas a zaɓen shugaban ƙasa na 2027. Wike ya bayyana hakan ne a yayin wata ganawa da shugabanni da mambobin ƙungiyar Masu Gyaran Motoci da ’Yan Kasuwa ta Apo a Abuja, inda ya danganta ci gaba da kasancewarsa a matsayin minista da nasarar da zai samu wajen samar da sakamakon siyasa ga Shugaba Tinubu a wuraren da yake da tasiri. A…