Daga BELLO A. BABAJI
A yau ne Matatar mai ta Ɗangote ta mayar da farashin litar fetur zuwa N865.
Hakan ya nuna an samu ragin N15 daga N880 da aka saya a ranar Laraba.
Lamarin ya biyo bayan dakatar da tsarin cinikin ɗanyen mai da Naira da gwamnatin Tarayya ta yi a baya.
Tuni ƴan kasuwar mai da suka haɗa da Kamfanin MRS suka fara dakon fetur daga matatar, wadda ke fitar da ganga 650,000 a kullum.
A baya ne matatar ta rage farashin zuwa N815, wanda shi ne ragi karo na uku a cikin shekarar 2025.
