Daga BELLO A. BABAJI
Kwamitin Zartarwa na Hukumar Ƙwallon Ƙafa ta Ƙasa (NFF), ya tabbatar da zaɓin kwamitin gudanarwa da ci-gaba na a bai wa Daraktan gudanarwa, Augustine Eguavoen damar cigaba da zama kocin ƴan Super Eagles.
Eguavoen, mai shekaru 58 ya jagoranci tawagar a wasanni uku da suka buga a baya da ƙasashen Jamhuriyar Benin da ta doke da ci 3 da 1 da kuma Ruwanda a wasanni biyu.
Hakan ya nuna cewa, kocin shi zai jagoranci Super Eagles a wasannin neman gurbin shiga gasar cin kofin Afirka na 2025 da za a yi a wata mai zuwa da Libya.
Haka nan kwamitin ya tabbatar da koci Justin Madugu a matsayin wanda zai jagoranci ƴan ɓangaren mata, wato Super Falcons zuwa lokacin da za a naɗa wani koci.
Gasa ta gaba da ƙungiyar za ta fafata a ciki ita ce ta kofin ƙasashen Afirka na 2025 da za a yi a Morocco.
