Daga BELLO A. BABAJI a Abuja
Ƙoƙarin Erling Haaland na zura ƙwallon Premier League a Manchester City na 100 ya ci tura bayan da Newcastle United ta doke su da ci 2 da 1.
Haian ya sa City ta gaza rage adadin makin ratar da ke tsakanin ta da ta ɗaya a teburin, wato ƙungiyar Arsenal.
Da fari, Newcastle ce ta fara zura ƙwallo a ranar City ta ɗan wasa Harvey Barnes a minti na 63.
Saidai, nasarar ta samu ne na tsawon mintina biyar a lokacin da City ta farke ta hannun ɗan wasa Rúben Dias a minti na 68.
Jim-kaɗan bayan haka ne, hallau ɗan wasa Barnes ya sake maƙala wa Manchester ƙwallo a raga, wato ana saura minti 20 a tashi a wasan.
Duk da cewa, City ta yi ta ƙoƙarin ganin ta farke, amma haƙarta ba ta cimma ruwa ba.
