Daga NASIR S. GWANGWAZO a Abuja
Shugaban Nijeriya Bola Ahmed Tinubu ya rattaɓa hannu kan dokar kafa sabuwar makarantar fasaha a Jihar Kano mai suna Federal Polytecnic a Rano da ke Kudancin Kano.
Bayanin hakan ya fito ne daga bakin Shugaban Majalisar Dattawa, Sanata Godwill Akpabio, a yayin zaman majalisar na ranar Laraba.
Ya ƙara da cewa, Shugaba Tinubu ya kuma saka hannu kan dokar kafa Jami’ar Tarayya ta Kimiyya a Tsafe da ke Jihar Zamfara.
