Bayan ƙwarewar da suka nuna a fagen ƙwallon ƙafa, wasu ’yan wasan da suka doka wa ƙungiyar ƙwallon ƙafar Nijeriya sun nuna wa duniya cewa ba a fagen kawai suke da ƙwarewa ba, amma har ma a harkar kasuwancin sun yi fice.
Waɗannan ‘yan ƙwallon ƙafa manyan misalai ne na yadda ƙwararrun ‘yan wasa za su yi amfani da ƙwarewarsu, shahararsu da gogewarsu a wajen buɗe sabuwar duniya a fannin kasuwanci.
Ga wasu ’yan ƙwallon Nijeriya 10 da suka tsallaka zuwa sana’o’in kasuwanci daban-daban bayan sun yi wasan ƙwallon ƙafa.
Nwankwo Kanu:
Kanu ƙwararren ɗan wasan ƙwallon ƙafan Nijeriya da sunansa ya yi shuhura sannan hamshaƙin ɗan kasuwa ne a yanzu. Shi ne ya mallaki Hardley Apartments, otal mai daraja ta 4 da ke unguwar nan ta attajirai wato ɓictoria Island, a birnin Legas, kuma shi ne shugaban ƙungiyar ƙwallon ƙafa ta Enyimba. Har wa yau, Kanu jakadan kamfanin Simba TɓS, ne, wajen tallata ababen hawa kamar su babur mai ƙafa uku na TVS King Tricycle da kuma Apache Power Bike. An kuma naɗa shi jakadan Sportsbet na duniya a 2022.
Bugu da ƙari, Kanu yana amfani da ƙwarewarsa a fagen tamaula wajen yin sharhi wa kafofin wasanni a faɗin duniya a matsayin masani a harkar tamaula.
Obafemi Martins:
Obafemi Martins ya mallaki harkoki kasuwanci daban-daban da ke bunƙasa. Kafanoninsa sun haɗa da Cosa Nostra Patron, wani sanannen gidan rawa na dare a Legas da wani katafaren wurin haɗa tufafi a Amurka mai ɗauke alamar acrobatic. Waɗannan su ne harkokin
kasuwanci biyu da tsohon ɗan ya mallaka.
Sannan, Obafemi Martins ya mallaki gidaje sama da 20 a manyan unguwannin birnin Legas. Har wa yau shi ne yake da Gidauniyar Obafemi Martins.
Jay-Jay Okocha:
ɗaya ne daga cikin fitattun ’yan wasan ƙwallon ƙafa a Nijeriya. Jay-Jay Okocha shi ne mai kamfanin TGBG Global Inɓestment Ltd, kamfanin da yake gudanar harkokin canji (Bureau de Change) da gidan abinci da wata mashaya da shiga da kayayyakin masarufi kamar su barasa, sannan jakadan talle ne na kamfanin Kwik Deliɓery kuma mai sharhin ƙwallon ƙafa na Supersports.
John Mikel Obi:
Harkokin kasuwancin Mikel Obi suna da rassa da dama tamkar yadda gogewarsa a fagen ƙwallon ƙafa ta kasance mai faɗi. Ya mallaki kamfanin sufuri tsakanin jihohin Nijeriya sannan shi ne mai tallan kamfanin caca na BetWinner Africa. A harkar yaɗa labarai ma ba a bar shi a baya ba, domin kuwa Mikel ɗin yakan gabatar da shirin The Obi One Podcast, (rediyon intanet) inda yake sharhin wasanni da kasuwanci.
Duk da na ɗan taƙaitaccen lokacin da ya yi a kamfanin ɓISIONPRO SPORTS EUROPE LLP a 2011, gudummawar da ya bayar a kamfanin ya yi tasiri sosai a kamfanin ba da shawarwari a fagen wasanni.
Cikin yardar mai duka a mako mai zuwa, za mu kawo sauran ’yan wasan da suka shiga kasuwanci bayan jingine tamaula.
Emmanuel Emenike:
Tsohon ɗan wasan Super Eagles, Emmanuel Emenike, ya yi nasarar tabbatar da sawun sa a kasuwar kadarorin Nijeriya kamar yadda ya yi a fagen ƙwallon ƙafa. Ya mallaki kadarori da dama a Legas da Owerri, EE 29 Hotels and Suites a Owerri, Jihar Imo kuma yana sayar da kofofin sulke na Turkiyya masu tsada don gidajen alfarma.
Yakubu Aiyegbeni:
Bayan ya yi ritaya, Yakubu Aiyegbeni, wanda aka fi sani da “The Yak,” ya jefa kansa cikin harkokin wasanni. Kasuwancinsa, Wilbury Sports Management, ya himmatu wajen haɓaka masu horarwa da ’yan wasa na gaba kuma yana da wurin horo a Florida, Amurka. Shawarar da Aiyegbeni ya yanke na kwanan nan na shiga tare da Enfield Town a cikin National League ta Kudu bayan da ya fita daga ritaya ya nuna ƙauna marar iyaka ga kwallon kafa. Ya yi niyyar ci gaba da aiki a matsayin wakili da mai ba da shawara yayin da yake ba da tasirinsa a cikin kula da wasanni zuwa Cyprus.
ɓincent Enyeama:
Tsohon mai tsaron ragar Super Eagles, ɓincent Enyeama a halin yanzu shi ne mamallakin otal ɗin ɓinpy dake Uyo jihar Akwa Ibom. Otal din sanannen wuri ne a unguwar saboda yanayin kwanciyar hankali da kayan zamani. Sha’awarsa a matsayin ɗan wasa yana nunawa a cikin hankalinsa don samar da sabis mai inganci, wanda ke jawo mutane iri-iri zuwa ƙafa.
Sunday Oliseh:
Sunday Oliseh ya samu ci gaba a harkar horarwa da gudanar da wasanni. A halin yanzu yana horar da kungiyar Sɓ 19 Straelen ta Jamus kuma yana aiki a matsayin Shugaba na SOOLIS SPORTS a Belgium, wanda ke mai da hankali kan haɓaka wasanni da tuntuɓar juna. A ci gaba da Oliseh ya yi ya hada da horar da ‘yan wasan Nijeriya da kuma lashe lambar zinare a gasar Olympics, wanda duk ya shigo da shi a matsayinsa na koci a yau.
ɓictor Ikpeba:
ɓictor Ikpeba, wanda tsohon dan wasan Nijeriya ne, ya mayar da kwarewarsa ga kafafen yaɗa labarai na wasanni a matsayin masani na SuperSports, inda yake ɗaukar nauyin wasan ƙwallon ƙafa na daren Litinin. Ikpeba kuma jakadan alama ne na Bet9ja, babban dandalin fare wasanni na Nijeriya. Hankalinsa da sha’awarsa ga wasanni sun sanya shi mutum mai daraja a fagen nazarin ƙwallon ƙafa, wanda ya zaburar da sabbin magoya baya da ‘yan wasa.
Sam Sodje:
Sam Sodje ya karkata akalarsa kan gine-gine, inda kamfanin Innoɓation Creations Limited ya kware wajen yin hayar manyan injuna a fannin gine-ginen Nijeriya. ƙwarewarsa a matsayinsa na tsohon ɗan wasan ƙwallon ƙafa kuma ɗan kasuwa ya ba shi damar fahimtar ƙimar haɓaka abubuwan more rayuwa, kuma kamfaninsa yana ba da muhimman albarkatu don haɓaka masana’antar gine-gine na Nijeriya.
