Shugaban Amurka Joe Biden ya zargi firaministan Isra’ila Benjamin Natenyahu da jan ƙafa wajen cika sharuɗɗan ƙulla yarjejeniyar zaman lafiya da zata bada damar tsagaita wuta a Gaza.
Biden ya shaidawa manema labarai a wajen fadar White House ranar litinin cewa, Amurka na daf da gabatar da shawarar ƙarshe da za ta kai ga sako Isra’ilawan da ke tsare a Gaza.
Da aka tambaye shi dalilin da ya sa yake tunanin wannan yunƙurin zai yi nasara yayin da wasu yunƙurin samar da tsagaita wuta a Gaza suka ci tura, Biden ya ce: “Fata ta samu har abada.”
Daga nan sai shugaban na Amurka ya amsa da “a’a” cikin sauki lokacin da wani dan jarida ya tambaye shi ko Netanyahu yana yin abin da ya dace wajen ganin an cimma yarjejeniyar tsagaita bude wuta da Hamas.
Duk da ƙoƙarin da gwamnatin Biden ta yi na sanya wata tazara tsakaninta da Netanyahu a cikin ‘yan watannin da suka gabata, a daidai lokacin da yaƙin da Isra’ila ke yi a Gaza musamman magoya bayan jam’iyyar Democrat, sukar na daya daga cikin wadanda shugaban na Amurka ke yi a fili ko da kuwa hakan ne.
Biden ya gana da tawagar Amurka da ke tattaunawa kan yarjejeniyar sakin fursunonin bayan da ya yi tsokaci a ranar Litinin, kuma ya samu karin bayani kan matsayin tattaunawar, inji Fadar White House.
Sabon yunƙurin da Amurka ta yi na cimma yarjejeniyar tsagaita buɗe wuta na zuwa ne kwanaki biyu bayan an gano gawarwakin wasu ‘yan Isra’ila shida da suka haɗa da ‘yan asalin Amurkawa a Gaza.
Gano wannan lamari dai ya kara rura wutar zanga-zanga da a faɗin ƙasar ta Isra’ila domin neman a kulla yarjejeniyar kuɓutar da ‘yan Isra’ila kusan 100 da suka rage a hannun ƙungiyoyin Falasɗinu a Gaza.
A halin da ake ciki kuma, Isra’ila na ci gaba da yin kaka-gida da kuma hare-haren bama-bamai a Gaza, wanda ya yi sanadin mutuwar Falasɗinawa sama da 40,700.
Amurka ita ce babbar mai samar da makamai a Isra’ila kuma aminiyar diflomasiyya. Tun lokacin da aka fara yaƙin a watan Oktoba, Washington ta ki amincewa da shawarwari uku na kwamitin sulhu na Majalisar ɗinkin Duniya da ke buƙatar tsagaita buɗe wuta a Gaza. Ta ƙaurace wa wata kuri’ar a watan Maris inda ta buƙaci a tsagaita buɗe wuta nan take.
Da alama dai iƙirarin da Biden ya yi game da Netanyahu a ranar Litinin ya saɓa wa kalaman da mataimakansa suka yi, waɗanda suka zargi Hamas da gaza cimma matsaya.
A watan da ya gabata, Amurka ta ce ta gabatar da “shawarwari” don kammala yarjejeniyar bisa shawarar da Biden ya gabatar a watan Mayu.
