Daga MAHDI M. MUHAMMAD
Wani masani kan tattalin arziki, Dakta Sand Mba-Kalu ya ce ƙarin farashin man fetur da kamfanin mai na ƙasa NNPCL ya yi daga Naira 617 zuwa 897 a lita zai ƙara jefa ’yan Nijeriya cikin talauci.
Masanin ya ce, kwatsam ƙaruwar farashin mai na kamfanin man fetur na Nijeriya riski ‘yan Nijeriya cikin wani hali.
Ya ce, hakan zai yi tasiri sosai ga kamfanoni masu zaman kansu na Nijeriya, kasuwanci da kuma talakawan Nijeriya da dama.
Mba-Kalu, Babban Darakta na Binciken Kasuwanci nƙ Afirka ya bayyana haka a wata hira da Kamfanin Dillancin Labaran Nijeriya ranar Talata a Abuja, yayin da yake mayar da martani ga lamarin.
NAN ta ruwaito cewa Kamfanin NNPC ya amince da sake duba farashin fetur daga Naira 617 zuwa lita 897, wanda zai fara aiki daga ranar 3 ga watan Satumba, a cikin matsalolin tattalin arziki da ƙarancin mai da ake ciki.
Binciken da NAN ta yi ya nuna cewa gidajen sayar da man NNPC sun gyara fanfunan su nan take saboda sabon farashi, wanda hakan ya nuna sabon farashin mai ya koma N897 a kan Naira 617 kan kowace lita yayin da ‘yan kasuwa masu zaman kansu ke sayarwa tsakanin N930 zuwa N1,200.
Mba-Kalu ya ce ba tare da sa hannun gwamnati ba, illar tattalin arziki da zamantakewar wannan tashin farashin na iya zama mai tsanani kuma na dindindin, wanda hakan zai jefa mutane da dama cikin talauci.
“Abin da za mu shaida shi ne tsadar sufuri nan take, wanda zai haifar da tsadar abinci da hauhawar farashin kayayyaki.
“A cikin dogon lokaci, zai iya haifar da ƙalubale ga ƙanana da matsakaitan masana’antu da kuma ɓangaren aikin gona,” inji masanin.
Ya buƙaci Gwamnatin Tarayya da ta amince da waɗannan abubuwan, ta kuma yi la’akari da matakan da za a ɗauka don rage tasirin sa, kamar abubuwan da aka yi niyya don inganta samar da makamashi, dakatar da almubazzaranci da kashe kuɗi, da rage tsadar harkokin mulki.
