A wani babban cigaba da zai iya sauya taswirar yaƙin Ukraine da Rasha, gwamnatin Jamus ta rattaba hannu kan wata sabuwar yarjejeniya da Ukraine don ƙera makaman dogon zango cikin ƙasar. Makaman, wanda suka haɗa da irin Taurus KEPD 350, na da ikon kai farmaki daga nesa, wanda zai iya kai nisan kilomita 500.
Shugaban Ukraine, Volodymyr Zelenskyy, ya bayyana wannan mataki a matsayin jigo wajen “gindaya sabuwar kafa ta dogaro da kai wajen kare ƙasar sa.” Yarjejeniyar ta ƙunshi horar da ma’aikata da kuma samar da kayan aiki a cikin Ukraine.
Masana tsaro na duniya sun bayyana cewa hakan zai bai wa Ukraine damar rage dogaro da ƙasashen waje, amma kuma wasu na kallon wannan mataki a matsayin wanda zai ƙara rura wutar rikicin da ke tsakanin Ukraine da Rasha.
