Daga SANUSI MUHAMMAD a Gusau
Hukumar zaɓe mai zaman kanta ta ƙasa INEC ta bayyana zaɓen majalisar dokokin jihar da aka gudanar a mazabar Ƙaura Namoda ta Kudu a matsayin wanda bai kammala ba.
Jami’ai biyu da suka gudanar da zaɓen, Dakta Sa’ad Lawal da Dr. Aminu Idris ne suka sanar da hakan.
A cewarsu, za a gudanar da kammala zaɓen a runfunan zaɓe biyar na Kyambarawa da Sakajiki.
Sun kuma bayyana cewa, hukumar zaɓe mai zaman kanta ta ƙasa INEC za ta sanar da wata rana na kammala zaɓen da ba a kammala ba.
Blueprint ta tattaro cewa jam’iyyar PDP mai mulki a jihar tana da kuri’u 5,341 yayin da jam’iyyar All Progressive Congress APC ke da ƙuri’u 7001.
Hakazalika jam’iyyar APC ce ke kan gaba da ƙuri’u 1,660.
