Daga AISHA ASAS
Wani sabon shirin fim mai taken Iron Maiden: Burning Ambition ya ja hankalin duniya bayan fitar da tirelarsa a ranar 28 ga Afrilu, 2026.
Shirin zai ba da cikakken bayani kan tarihin shahararriyar ƙungiyar kiɗa ta Iron Maiden, wadda ta yi fice tun daga shekarun 1970 har zuwa yau.
Masu shirya fim ɗin sun bayyana cewa, sun mayar da hankali kan yadda ƙungiyar ta taso daga ƙanana wuraren wasa a birnin London zuwa zama ɗaya daga cikin manyan ƙungiyoyin kiɗa a duniya.
Rahotanni sun nuna cewa, fim ɗin zai kuma bayyana rawar da masoya suka taka wajen bunƙasa ƙungiyar, tare da nuna ƙalubalen da ta fuskanta tsawon shekaru.
Ana sa ran fim ɗin zai fara fitowa a gidajen sinima a watan Mayu, inda ake kallonsa a matsayin wani babban aiki da zai faranta ran masoya kiɗan rock.
