Achraf Hakimi da Mohamed Salah suna kan gaba a jerin ’yan takara 10 dake fatan lashe ƙyautar gwarzon ɗan ƙwallon ƙafar Afirka na 2025.
Hakimi mai tsaron bayan tawagar Morocco ya bayar da gudunmuwar da Paris St Germain ta lashe kofi uku a Faransa da Champions League a kakar da ta wuce, shi kuwa Salah ya ɗauki Premier League tare da Liverpool.
ɗan wasan da ke taka leda a Everton, Iliman Ndiaye da na Tottenham, Pape Matar Sarr, waɗanda suka taka rawar da ƙasashensu suka samu damar samun tikitin shiga gasar kofin duniya da za a yi a 2026, suna cikin ’yan takara tare da mai taka leda a Galatasaray ɗan Nijeriya, Victor Osimhen, gwarzon a 2023.
Sauran dake takara sun haɗa da ɗan ƙasar Kamaru, Andre-Frank Zambo Anguissa da na Jamhuriyar Congo, Fiston Mayele da na Gabon, Denis Bouanga da na Guinea, Serhou Guirassy da ɗan ƙwallon tawagar Moroccan, Oussama Lamlioui.
Wanda ya lashe kyautar a bara, Ademola Lookman baya cikin ƴan takara a bana.
Masu yin zaɓen sun ƙunshi ƙwararru da hukumar ƙwallon ƙafar Afirka ta zaɓa tare da ƙyaftin da kociyan tawaga mambobin CAF da za a fayyace ƙwazon ’yan wasa da suka yi tsakanin watan Janairu zuwa 15 ga watan Oktoban 2025.
Sai dai har yanzu hukumar ƙwallon ƙafar Afirka ba ta fayyace ranar da za a gudanar da bikin ba.
Masu takarar ƙyautar gwarzon ɗan ƙwallon Afirka na 2025:
Gwarzon ɗan ƙwallon Afirka: Andre-Frank Zambo Anguissa (Napoli & Cameroon), Denis Bouanga (Los Angeles FC & Gabon), Serhou Guirassy (Borussia Dortmund & Guinea), Achraf Hakimi (Paris St-Germain & Morocco), Oussama Lamlioui (Renaissance Berkane), Fiston Mayele (Pyramids & DR Congo), Iliman Ndiaye (Everton & Senegal), Victor Osimhen (Galatasaray & Nigeria), Mohamed Salah (Liverpool & Egypt), Pape Matar Sarr (Tottenham Hotspur & Senegal).
Mai tsaron raga da ba kamarsa: Yassine Bounou (Al Hilal & Morocco), Aymen Dahmen (CS Sfaɗien & Tunisia), Marc Diouf (TP Mazembe & Senegal), Edouard Mendy (Al-Ahli & Senegal), Munir Mohamedi (RS Berkane & Morocco), Stanley Nwabali (Chippa Utd & Nigeria), Andre Onana (Trabzonspor & Cameroon), Ahmed El Shenawy (Pyramids & Egypt), Vozinha (Chaves & Cape Verde), Ronwen Williams (Mamelodi Sundowns & South Africa).
Kocin da ya fi taka rawar gani: Bubista (Cape Verde), Moine Chaabani (Renaissance Berkane), Hossam Hassan (Egypt), Krunoslav Jurcic (Pyramids), Mohamed Ouahbi (Morocco U20), Romuald Rakotondrabe (Madagascar), Walid Regragui (Morocco), Tarik Sektioui (Morocco U23), Pape Thiaw (Senegal), Sami Trabelsi (Tunisia).
Tawagar da ta fi yin ƙwazo: Algeria, Cape Verde, Egypt, Ghana, Ivory Coast, Morocco, Morocco U20, Senegal, South Africa, Tunisia.
