Daga MAHDI MUSA MUHAMMAD
Kamfanin jiragen sama na Azman Air, ɗaya daga cikin manyan kamfanonin jiragen sama na cikin gida a Nijeriya, na iya fuskantar takunkumi kan zargin safarar jiragen Nijeriya biyu masu rijista zuwa Mahran Air na Iran.
Hukumar Kula da Sufurin Jiragen Sama ta Nijeriya (NCAA) ta ce za ta rubutawa takwararta ta Iran, Hukumar Kula da Sufurin Jiragen Sama ta Iran (CAA.IRI) game da matsayin jiragen biyu.
Jirgin – Airbus A340-600 tare da lambar rajista: 5N-AAM da Boeing 737-300 tare da lambar rajista: 5N-YSM – an sayar da su ba tare da sanin NCAA ba.
An sayar da su ga kamfanin jiragen sama na Iran wanda ya saɓa wa takunkumin kasa da kasa da aka ƙaƙaba wa Iran kuma jiragen suna nan a Teram Imam Khomeini (IKA) da Tehran da Mehrabad (THR), Iran.
Wani rahoto na dandalin Gabas ta Tsakiya ya nuna cewa Mahan Air, babban jirgin saman Iran, ya yi amfani da Azman Air wajen kai masa jirgin Airbus A340-642 a ranar 15 ga Nuwamba, 2024.
Rahoton ya ce jirgin ya taso ne daga Kano zuwa Kabul a lokacin da ma’aikatansa suka kashe na’urar dakon kaya na Automatic Dependent Surɓeillance-Broadcast (ADS-B) a tsawon kafa 39,000 bayan ya shiga sararin samaniyar Iran, ko da yake a karshe ya sauka a filin jirgin saman Mehrabad na Tehran.
Idan dai za a iya tunawa, Amurka da Tarayyar Turai sun kakaba wa Iran takunkumi, tare da haramta wa kasashe mu’amala da su ta jiragen sama.
Rahoton ya ce, Ma’aikatar Baitulmali ta Amurka ta sanya takunkumi ga dakarun kare juyin juya halin Musulunci da kuma jami’an Iran kam zargin goyon bayan ta’addanci, ko da yake tun lokacin da gwamnatin Biden ta shiga ofis a shekarar 2021, gwamnatin Iran ta aiwatar da matakan kaucewa takunkumi.
Darakta, Hulɗa da Jama’a da Kare Masu Amfani, NCAA, Michael Achimugu, a wata hira da aka yi da shi ya bayyana cewa, hukumar za ta rubutawa hukumar ta Iran CAA don fayyace matsayin jiragen biyu.
Kawo yanzu dai babu wani martani daga kamfanin Azman Air, yayin da kiran da aka yi wa shugaban ƙungiyar, Alhaji Abdulmunaf Sarina bai yi magana ba yayin da wani saƙo da aka aika masa bai amsa ba.
