Kafin Nijeriya ta yi maraba da sabuwar shekarar 2025, akwai wasu ƙasashe da suka yi maraba da shekarar kafin ita.
ƙasashen sun shiga sabuwar shekarar ne ta hanyar amfani da agogon yankinsu.
New Zealand:
New Zealand ƙasa ce a tsibiri Kudu maso Yammacin Tekun Pasifik wacce ta ƙunshi manyan ƙasashe biyu, Arewa da Tsibirin Kudu. Wellington, New Zealand na gaban Nijeriya da sa’o’i 12, kuma da tsakar rana a ranar Talata a Nijeriya, ƙasar ta tsallaka cikin 2025.
Fiji:
Jamhuriyar Fiji ƙasa ce a tsibiri a kudancin tekun Pasifik wadda babban birninta ke Suɓa. Da ƙarfe 1 na rana a Nijeriya ƙasar ta yi maraba da 2025.
Japan:
Japan ƙasa ce a tsibiri a Gabashin Asiya da ke arewa maso yammacin Tekun Pasifik. Birnin Tokyo na ƙasar Japan na gaban Nijeriya da sa’o’i 8 kuma sun yi maraba da sabuwar shekara da ƙarfe 4 na yamma a Nijeriya.
Singapore:
Jamhuriyar Singapore ƙasa ce a tsibirin tekun kudu maso gabashin Asiya. Da misalin ƙarfe 5 na yamma a Nijeriya ƙasar ta yi maraba da shekarar 2025.
Koriya ta Arewa:
Jamhuriyar Dimokraɗiyyar Koriya ta Kudu ƙasa ce ta gabashin Asiya. ƙasar na da iyaka da Chana, Rasha da Koriya ta Kudu. Koriya ta Arewa ta yi maraba da shekarar 2025 da ƙarfe 4 na yamma agogon Nijeriya.
Japan:
Japan ƙasa ce a tsibiri a gabashin Asiya da ke arewa maso yammacin tekun Pasifik. Ta shiga sabuwar shekara da ƙarfe 4 na yamma agogon Nijeriya.
Koriya ta Kudu:
Yayin da ‘yan Nijeriya suke murnar shiga sabuwar shekara, Koriya ta Kudu da ke gabashin Asiya ta riga ta yi maraba da sabuwar shekarar 2025.
Chana:
Jamhuriyar Sin ita ce ƙasa mafi yawan jama’a mai yawan jama’a biliyan 1.4. ƙasar na da awa 7 daga Nijeriya kuma ta yi maraba da sabuwar shekara da ƙarfe 5 na yamma a agogon Nijeriya.
Indonesia:
Indonesia ƙasa ce da ke kudu maso gabashin Asiya da Oceania tsakanin tekun Indiya da Pasifik. ƙasar na gaban Nijeriya da sa’o’i 6 kuma ta yi maraba da sabuwar shekara da ƙarfe shida na yamma agogon Nijeriya.
Rasha:
ƙasar Rasha ƙasa ce da ta ƙetare nahiyoyin duniya da ta ratsa Gabashin Turai da Arewacin Asiya. Moscow na ƙasar Rasha na gaban Nijeriya da sa’o’i 2 kuma ta yi maraba da sabuwar shekara da ƙarfe 10 na dare agogon Nijeriya.
Ya kamata a lura da cewa tsarin da ƙasashen suka shiga sabuwar shekara ya dogara ne da agogon yankin lokacinsu.
