Masana binciken kayan tarihi a ƙasar Poland sun gano wani tsohon takobin tagulla mai kimanin shekaru 2,700 yana tsaye cak a cikin ƙasa, lamarin da ya ba su mamaki tare da jawo sabon bincike kan yadda aka binne shi.
An gano takobin ne yayin wasu ayyukan bincike, kuma masana sun ce yanayin da aka same shi ba kasafai ake gani ba, domin yana tsaye a cikin ƙasa maimakon a kwance kamar yadda aka saba samu a irin waɗannan kayayyakin tarihi.
Masu binciken sun bayyana cewa takobin na iya kasancewa daga zamanin ƙarshen Bronze Age, lokacin da al’ummomi ke amfani da tagulla wajen ƙera makamai da sauran kayayyaki.
Sai dai har yanzu ba a san dalilin da ya sa aka binne takobin a wannan yanayi ba. Wasu masana na hasashen cewa wataƙila an yi hakan ne a matsayin wata al’adar ibada ko kuma wani bikin gargajiya na wancan zamani.
Ana ci gaba da gudanar da bincike domin gano cikakken tarihin takobin da kuma dalilin binne shi a haka.
