Daga MAHDI M. MUHAMMAD
Babban Bankin Nijeriya (CBN) ya ce zai ɗauki matakan da suka dace domin shawo kan hauhawar farashin kayayyaki a ƙasar.
Gwamnan CBN Olayemi Cardoso wanda ya bayyana hakan a yayin taron manufofin kuɗi (MPC) ya ce yayin da manufofin kuɗi ke daidaita yawan buƙatu, hauhawar farashin abinci da makamashi na ci gaba da yin matsin lamba kan bunƙasa farashin.
MPC na Bankin Apeɗ ya ƙaru da Manufofin Kuɗi (MPR), da kashi 50, daga kashi 26.25 zuwa kashi 26.75 cikin ɗari.
Babban bankin ya sake jaddada ƙudurinsa na tabbatar da daidaiton farashin Bankin kuma ya ci gaba da kyautata zaton cewa duk da tashin farashin kayayyaki a watan Yuni na shekarar 2024, ana sa ran farashin zai daidaita na gaba kaɗan.
Gwamnan ya bayyana cewa rashin tsaro da ake fama da shi a yankunan da ake samar da abinci da tsadar safarar kayan amfanin gona su ma suna taimakawa wajen hauhawar farashin abinci a ƙasar.
Ya ce, mambobin kwamitin, don haka, ba su ma manta da fa’idar gaggawa ta magance waɗannan ƙalubale ba domin zai ba da mafita mai dorewa ga matsin lamba kan farashin abinci.
Ya bayyana cewa, ƙaruwar ayyukan ‘yan tsaka-tsaki da ke yawan baiwa ƙananan manoma kuɗi, tarawa, da kuma kai amfanin gona ta kan iyaka zuwa ƙasashen da ke makwabtaka da ita ya taimaka wajen matsalar karancin abinci a faɗin ƙasar.
Babban bankin na CBN a taron MPC ya bayyana buƙatar sanya ido kan irin waɗannan ayyuka domin magance matsalar ƙarancin abinci a kasuwannin Nijeriya zuwa matsakaicin farashin kayan abinci.
Kwamitin ya bayyana fatansa tare da matakan dakatar da ayyukan da Gwamnatin Tarayya ta ɗauka a baya-bayan nan don cike giɓin kayan abinci, musamman ma cire harajij shigo da abinci na kwanaki 150 (masara, shinkafa mai ruwan kasa, alkama), da sauransu, za su daidaita farashin abinci na gida.
