Daga BASHIR ISAH da RABI’U SANUSI
Allah Ya yi wa fitacciyar jaruma a masana’antar shirya fina-finai ta Kannywood, Saratu Giɗaɗo wadda aka di sani da Daso, rasuwa.
Jarumar ta rasu ne a ranar Talata kamar yadda wani makusancinta ya bayyanawa MANHAJA.
Da yake amsa tambayar wakilinmu, makusancin marigayiyar ya ce lafiya ƙalau Saratu ta wayi gari a wannan rana.
Ya ƙara da cewa, hasali ma Mmarigayiyar ta ɗauki azumi a wannan rana.
Har wa yau, wata majiyar ta sheda ma wakilinmu cewa, “Saratu Gidado tana fama da rashin lafiya a tsaitsaye ne, wanda a yau kuma ta yi mutuwar Fuj’a”.
Daga yanzu zuwa kowane lokaci, za a sanar da lokacin da za yi wa marigayiyar jana’iza daidai da karantarwar addinin Musulunci.
Kawo yanzu, masoyan jarumar daga sassa daban-daban daban na vi gaba da nuna kaɗuwarsu game da mutuwar tata.