Daga MAHDI M. MUHAMMAD
Hukumar Zaɓe Mai Zaman Kanta ta Ƙasa (INEC) ta bayyana cewa duk zaɓukan ’yan Majalisun Tarayya da aka gudanar a jihar Sakkwato ba su kammala ba.
An samu labarin cewa akwai tashe-tashen hankula da kuma rashin kaɗa ƙuri’a da wasu kura-kurai a zaɓukan.
Akwai kujerun Sanata guda uku da na majalisar wakilai 11 a jihar.
An tattaro cewa Gwamna Aminu Waziri Tambuwal ne ke jagorantar Sanata Ibrahim Danbaba Dambuwa na jam’iyyar APC a Sanatan Sakkwato ta Kudu kafin a bayyana ta da rashin kammaluwa.
A sakamakon zaɓen, Tambuwal ya samu ƙuri’u 87,850 yayin da Dambuwa ya samu ƙuri’u 79,991.
Jami’in zaɓen na jihar, Farfesa Shehu Usman Gulumbe ya bayyana zaɓen a matsayin wanda bai kammala ba saboda yawan kaɗa ƙuri’a da hargitsin tsarin zaɓe a ɗaukacin ƙananan hukumomi bakwai da ke yankin ’yan Majalisar Dattawa.
Sanata Aliyu Magatakarda Wamakko, jigo a jam’iyyar APC a jihar, shi ne ke kan gaba a zaɓen Sanatan Sakkwato ta Arewa da ƙuri’u 11,732.
Wamakko ya samu ƙuri’u 114,866 inda ya samu ƙuri’u 103,134 da ɗan takarar jam’iyyar PDP kuma mataimakin gwamnan jihar Manir Muhammad Dan’iya ya samu.
Jami’in da ya bayyana sakamakon zaɓen Farfesa Ibrahim Magawata ya ce, an soke sakamakon wasu rumfunan zaɓe masu rajista 121,010 saboda zaɓen bai kammalu ba.
Hakazalika, ba a bayyana wanda ya yi nasara a zaɓen Sanatan Sakkwato ta Gabas ba saboda an soke sakamakon zaɓe a rumfunan zaɓe saboda tashe-tashen hankula da sauransu.
Ɗan takarar jam’iyyar PDP, Shu’aibu Gwanda Gobir ne ya lashe zaɓen da ƙuri’u 2,051 inda ya samu ƙuri’u 99,198.
Sai kuma ɗan takarar jam’iyyar APC, Ibrahim Lamido wanda ya samu ƙuri’u 97,147.
Sauran zaɓukan da aka ayyana ba a kammala ba, sune Isa-Sabon Birni, Gudu-Tangaza, Rabah-Wurno, Tureta-Bodinga-Dange Shuni, Tambuwal-Kebbe, Gwadabawa-Illela, Wamakko-Kware da Sokoto ta Kudu-Sokoto ta Arewa, Silame-Binji da Goronyo- Zaben mazaɓar tarayya na Gada da Yabo-Shagari.
Da yake tabbatar da matsayin hukumar ta INEC, mai magana da yawun hukumar, Dokta Shamsuddeen Haliru Sidi ya ce “ba a mayar da dukkanin mazaɓu na tarayya 11 da na ’yan majalisar dattawa ba.”