Daga AISHA ASAS
A cikin sabon fim ɗin ‘One Battle After Another’ wanda Paul Thomas Anderson ya jagoranta, Leonardo DiCaprio da Teyana Taylor sun fito a matsayin jarumai. Amma abin da ya fi jan hankali shi ne yadda suka bayyana cewa, abokantakarsu ta fara tun lokacin da suka haɗu a bikin zagayowar ranar haihuwar Diana Ross.
Fim ɗin ya mayar da hankali kan rayuwar tsohon ɗan gwagwarmaya wanda ya rasa yarinyarsa sakamakon rikicin tsaro. Masana sun yaba da fim ɗin saboda tsantsar gaskiya da aka nuna kan rayuwar mutane a lokacin matsin lamba.
A yayin baje kolin a Los Angeles, masu kallo sun yi ta taya jaruman murna, inda fim ɗin ya samu karɓuwa sosai daga masana da masu sharhi.
