Ilimin ‘ya’ya mata: Bankin Duniya ya sake tallafa wa Nijeriya da miliyan $700

Daga BASHIR ISAH

Bankin Duniya ya jadda aniyarsa na tallafa wa ilimin ‘ya’ya mata a Nijeriya inda ya sake ware Dala miliyan $700 a matsayin gudunmawarsa ga fannin ilimin na ‘ya’ya mata a ƙasar.

Dala miliyan $700 ɗin ƙari ne a kan abin da Bankin ya bayar a baya.

Bankin ya ce, ya ba da tallafin ne domin bai wa ‘ya’ya mata marasa galihu damar kammala karatun sakandare.

A baya Bankin ya ba da tallafin Dala miliyan $500 don tallafa wa karatun ‘ya’ya mata a wasu jihohi 7 na ƙasar.

A cewar Bankin tallafin baya-bayan zai shafi wasu jihohin ƙasar su 19 ne.

Daraktan Bankin a Nijeriya, Shubham Chaudhuri, shi ne ya yi waɗannan bayanan ranar Litinin a Abuja.

Leave a Reply

Your email address will not be published. Required fields are marked *