Nani ya sanar da yin ritaya daga taka leda a matakin ƙwararren ɗan wasa mai shekara 38.
Tsohon ɗan wasan Manchester United ya rataye takalmansa a Club Estrela Amadora da ke garinsu.
Dan ƙasar Portugal ya buga tamaula a babbar gasar ƙwallon ƙafa ta Turkiya da Sifaniya da Italiya da Australia da kuma Amurka.
Sir Aleɗ Ferguson ne ya ɗauko Nani a 2007 daga Sporting ta Portugal, an kuma sanar da magoya bayan United sayen ɗan ƙwallon tare da Anderson a ranar.
Nani ya bayar da gudunmuwar da United ta lashe Premier League huɗu, ya taka rawar gani da ƙungiyar ta ɗauki Champions League a 2008.
Ya kuma lashe Community Shield a wasan da United ta doke Manchester City a 2011, shi ne ya ci ƙwallon.
Haka kuma ya taka rawar da ta kai United ta ɗauki League Cup biyu da kuma FIFA Club World a 2008.
Nani ya bar Old Trafford zuwa Fernarbahce a 2015 – ya buga wa ƙungiya 10 tamaula a kaka 19 da ya yi a matakin ƙwararren ɗan wasan ƙwallon kafa.
A kakar 2024/25, Nani ya saka hannu kan yarjejeniya a Estrela Amadora.
