An samu wani mutun da laifin kisan kai bayan ya yi ikirarin cewa ɗiyarsa ta mutu a wani haɗari mai ban mamaki yayin da ta take wasa da wuƙa.
Scarlett ɓickers, ’yar shekara 14, ta mutu ne a gidansu da ke Darlington a watan Yuli bayan ta samu rauni mai zurfin inci 4 a ƙirjinta.
Simon Vickers ya yi ikirarin cewa ya haddasa mummunan rauni a lokacin da suke wasa da wuƙa, amma wani masanin ilimin ƙwayoyin cuta ya shaidawa kotun Teesside Crown cewa “a zahiri ba zai yiwu ba” wuƙar da aka jefa kamar yadda wanda ake tuhuma ya yi ikirari ta yi sanadiyar mutuwar matashiyar ba.
Alƙalin kotun ya ki amincewa da bayanin mutumin mai shekara 50.
Za dai a yanke masa hukunci a watan Fabrairu.
Kotu dai ta ji cewar Scarlett ta mutu ne a gidansu da ke titin Geneva bayan an caka mata wuƙa a ranar 5 ga Yuli. Iyayenta ne kaɗai sauran mutanen da suka kasance a wurin da lamarin ya afku
