Daga MAHDI M. MUHAMMAD
Rundunar ’Yan Sandan Nijeriya ta bayyana cewa, an samu kashe-kashen kai har guda 1,702, garkuwa da mutane 2,149 da kuma laifuka 320 na fashi da makami a faɗin ƙasar a shekarar 2023.
A wani rahoto da ƙungiyar ƙididdigar tattara bayanai ta fitar a ranar Juma’a 5 ga Yuli, 2024, ya nuna cewa yankin Arewa ta Tsakiya ne ya fi kowacce yawan al’amuran kisan kai, wanda ya kai 436 a shekara.
A cikin shekarar da ta gabata, yankin Arewa maso Yamma ya samu laifukan kisan kai 417, yankin Arewa maso Gabas yana da 345, sannan Kudu maso Yamma ya samu 174, wanda ya kai su na biyu zuwa na huɗu.
A yankunan Kudu maso Gabas da Kudu maso Kudu, an samu rahoton kisan kai 169 da 161, bi da bi.
Wani rahoto da aka samu na kisan kai ya nuna cewa Filato ce ta fi kowacce jiha yawan kisan kai da mutane 230.
Sauran jihohin sun haɗa da: Taraba tana da 155, Kaduna, 139; Borno, 99; Kebbi, 91; Edo, 79; Zamfara, 73; Oyo, 64; Enugu, 60; Benue, 52; Nijar, 48; Katsina, 46; Abuja, 43; Imo, 38; Osun, 38; Abiya, 36; Kano, 35; Legas, 35; Sokoto, 33; Kogi, 32; Gombe, 30; Adamawa, 29; Ondo, 25; da Akwa Ibom 24.
Kazalika, Anambra ta samu laifukan kisan kai 21 a shekarar 2023, sai Yobe mai 18, Bayelsa da Nasarawa kowanne 17, Delta 16, Bauchi, Ebonyi, Kwara, da Ribas kowannen su 14. Ogun ta samu 12, Kuros Ribas kuma ta samu 11.
Bugu da ƙari kuma, yadda ake samun ƙararrakin sace-sacen jama’a a yankuna ya nuna kamar haka: Arewa maso yamma na da ƙararrakin 759, Arewa ta Tsakiya tana da 476, Arewa maso Gabas na da shari’o’i 408, Kudu-maso-Kudu na da ƙararraki 216, Kudu maso Gabas na da ƙararraki 216. An samu ƙararraki 191, sannan Kudu-maso-Yamma ne ke da ƙarancin waɗanda aka sace da mutum 99.
Jihar Kaduna ta ce, an yi garkuwa da mutane 310, Taraba 200, Zamfara 160, Katsina 133, FCT 132, Plateau 119, Enugu 99, Edo 97, Kogi 97, Kebbi 84, Gombe 74, Borno 62, Sokoto 50, Delta. 47, Nasarawa 43, Neja 41, Ribas 39, Adamawa 39, Imo 33, Kwara 33, Abia 32, Osun 30, Bauchi 22.
Sauransu ne Ondo, 20; Kano, 17; Anambra, 17; Cross Riɓer, 17; Oyo, 16; Ogun,15; Ekiti, 14; Benue, 11; Yobe, 11; Ebonyi,10; Bayelsa, tara; Akwa Ibom, bakwai; Jigawa, biyar da Legas, huɗu.
Dangane da ƙararrakin fashi da aka samu, yankin Kudu-maso-Yamma ne ke da adadi mafi yawa a cikin shekarar da ake bitar da ƙararraki 107. Arewa ta tsakiya ta samu mutum 54, Kudu maso Kudu na da 53, Kudu maso Gabas na da 51, Arewa maso Yamma na da 29, Arewa maso Gabas na da 26.
Dangane da ƙarin ƙararrakin fashin da aka yi, Legas ce ta fi kowacce yawan mutane 32, sai Oyo mai 31, FCT 22, Enugu mai 17, Abia, 17; Osun, 15; Riɓers, 15; Plateau 14, Kaduna 14, Edo 14, Ogun 13, Delta 11, Ekiti 11, Taraba 10, Gombe 10, Imo takwas, Kano takwas.
Sauran sun haɗa da Anambra takwas, Neja bakwai, Benue shida, Ondo biyar, Akwa Ibom biyar, Bayelsa biyar, Kwara huɗu, Adamawa uku, Cross Riɓer uku, Kebbi biyu, Katsina biyu, Sokoto biyu, Yobe biyu, Zamfara, Kogi, Bauchi, da kuma Ebonyi tana da biri guda.
Wani kwararre kan harkokin tsaro, Oladele Fajana, ya yi ƙarin haske kan cewa garkuwa da mutane shi ne laifukan da aka fi ɗaukar hankali saboda yadda ake samun riba a ƙasar.
Ya buƙaci gwamnati da ta tabbatar da cewa hukuncin irin waɗannan laifuffuka ya zama wani tasiri don daƙile aikata laifin.
Ya ce, “Lambobin na nuni ne da abin da muke da shi a cikin al’umma. Fashi da makami da a da ake samun riba ya sauya zuwa garkuwa da mutane wanda hakan ya bayyana dalilin da ya sa ya zama ruwan dare a ƙasar. Har ila yau, abin takaici ne ganin yadda kashe-kashe ke ƙaruwa a bara. Ina tsammanin ‘yan sanda masu wannan bayanan ya kamata su tashi tsaye.
Har ila yau, ya kamata a yanke hukunci mai tsauri kan aikata laifuka a cikin ƙasar don ya zama izina ga ’yan baya.”
