Labarai - Manhaja - Blueprint Hausa version

18 Mar

Wata mata ta ci na-jaki a wajen zaɓe a Kano

EditorLabarai

Daga IBRAHIM HAMISU a Kano Masu kaɗa ƙuri'a sun lakaɗa wa wata mata duka a wajen zaɓe bisa zarginta da aka yi da sayen ƙuri'a. Lamarin ya faru ne a Ado Yola Primary School fa ke mazaɓar Na'ibawa cikin Ƙaramar Hukumar Kumbotso, Jihar Kano. Da aka nemi jin ta bakinta, matar ta ce kuɗin mota ta bayar ba kuɗin sayen ƙuri'a ba kamar yadda aka yi zargi.

18 Mar

Ɗan takarar gwamnan NNPP a Katsina ya tsallake rijiya da baya

EditorLabarai

Daga UMAR GARBA a Katsina Ɗan takarar gwamnan Jihar Katsina ƙarƙashin Jam'iyyar NNPP, Eng. Nura Khalil, ya tsallake rijiya da baya a hanyarsa ta zuwa Ƙaramar Hukumar Bakori inda zai kaɗa ƙuri'arsa a zaɓen gwamna da na 'yan majalisar jihohi da ke gudana. Ɗan takarar ya ce 'yan ta'adda ɗauke da makamai sun tare hanyar da tawagarsa za ta bi don zuwa mazaɓar tasa. "Mun wuce Ƙanƙara daidai mararrabar Katikawa sai muka ga ana tsaida mu, muka tsaya sai ga wani mutum ya zo 'yan ta'adda sun fasa masa kai," Inji shi. Ya ce wasu sun gaya masu cewar akwai…

18 Mar

‘Yan daba sun farmaki ma’aikacin gidan rediyo a Kano

EditorLabarai

Daga RABI'U SANUSI a Kano Wasu 'yan dabar siyasa sun farmaki wani ma'aikacin gidan Rediyon Premier mai suna Ashiru Umar a lokacin da yake tsaka da aiki a mazaɓar Galadima Primary School cikin ƙaramar hukumar Gwale a Kano. Rahotanni da dama sun yi nuni da matsalar ta fara ne a lokacin da 'yan dabar siyasar suka kai masa hari inda suka yi tunanin yana ɗaukar su hoto yayin da suke raba wa masu kaɗa ƙuri'a kuɗi a rumfar zaɓe. Ashiru Umar Wanda aka yi wa rauni tare da yaga masa kaya, ya zuwa yanzu dai ana ci gaba da ya…

18 Mar

Ubangiji Ya riga ya zaɓi wanda zai zama Gwamnan Kano – Gawuna

EditorLabarai, Siyasa

Daga RABI'U SANUSI a Kano. Ɗan takarar Gwamnan Jihar Kano ƙarƙashin Jam'iyyar APC, Dr. Nasiru Yusuf Gawuna, ya bayyana cewa Allah Ya riga ya zaɓi wanda zai zama gwamna a Jihar Kano tun fil azal. Gawuna ya bayyana haka ne yayin da yake kaɗa ƙuri'arsa da safiyar Asabar a mazaɓarsa dake Gidan Nasiru Ahli dake Ƙaramar Hukumar Nasarawa, Jihar Kano. Ya ce yana da tabbacin samun nasara a wannan zaɓe wanda a cewarsa yana gudana cikin kwanciyar hankali. "Ba zan yi ƙasa a gwuiwa ba wajen cewa Ubangiji ke ba da mulki, mun kuma yi zaɓe kamar yadda mutane suka…

18 Mar

’Yan daba sun kashe mutum, sun jikkata wasu a wuraren zaɓe a Legas

EditorLabarai, Siyasa

Daga MAHDI M. MUHAMMAD Mutum ɗaya ya rasa ransa, wasu da dama sun samu raunuka bayan da ’yan daba suka kai farmaki a rumufunan zaɓe a sassan Jihar Legas. An gano cewa an bindige mutum ɗaya har lahira, wasu da dama kuma sun jikkata a lokacin da ɓata-garin suka yi dirar mikiya a wuraren zaɓen. Yankunan da aka kai hare-haren sun haɗa da Ikota, Jakande, Ijegun, Festac da kuma Isolo. Rikicin ya fara ɓarkewa ne bayan ɓata-garin sun kutsa cikin yankin Okota, inda jam’iyyar LP ke da ƙarfi. Maharan sun fatattaki mutanen da suka fito yin kaɗa ƙuri'a, sannan suka…

18 Mar

Bayan shafe sa’o’i uku a kan layi, Gwamna El-Rufai ya kaɗa ƙuri’arsa

EditorBabban Labari, Labarai, Siyasa

Daga MAHDI M. MUHAMMAD Bayan haƙuri a kan layi na tsawon lokaci, gwamnan Jihar Kaduna, Nasir El-Rufai, ya sauke nayinsa na jama'a a mazaɓarsa na PU024 da ke Unguwar Sarki GRA a Ƙaramar Hukumar Kaduna ta Arewa. Da yake magana da manema labarai bayan kaɗa ƙuri’arsa, El-Rufai ya ce, ana neman masu kaɗa ƙuri’a a yankin Kudancin Kaduna da su zaɓi wata jam’iyya ko kuma su koma gidajensu. Ya ce, a halin yanzu jami’an tsaro na gudanar da bincike a jihar. Gwamnan ya ce, an gudanar da zaɓen a wasu rumfunan zaɓe ba tare da wata matsala ba. “Babu komai,…

18 Mar

Matar Gwamnan Kano, Farfesa Hafsat ta jefa ƙuri’a

EditorLabarai, Siyasa

Daga RABIU SANUSI a Kano Kamar saura al'ummar Jihar Kano, matar Gwamna Abdullahi Umar Ganduje, Farfesa Hafsat Umar Ganduje, ta kaɗa ƙuri'arta a rumfa mai lamba 08 . Ta kaɗa ƙuri'ar ne a mazaɓar Ganduje cikin gari dake Ƙaramar Hukumar Dawakin Tofa dake jihar.

18 Mar

Matawalle ya yaba da haɗin kan da Zamfarawa suka bai wa zaɓen gwamnonin

EditorLabarai

Daga SANUSI MUHAMMAD, a Gusau Gwamnan Jihar Zamfara, Bello Mohammed Matawalle, ya yaba wa masu kaɗa ƙuri'a da suka fito ƙwai da ƙwarƙwata domin kaɗa ƙuri'unsu a zaɓen gwamna da na 'yan majalisun jihohi a jihar. Gwamnan ya yi wannan yabon ne jim kaɗan bayan ya kaɗa ƙuri’a a mazaɓarsa da ke garin Maradun, hedikwatar Ƙaramar Hukumar Maradun, a wata hira da manema labarai ranar Asabar. Ya nuna jin daɗinsa da yanayin tsaro a jihar tare da yaba wa Hukumar Zaɓe ta Ƙasa, NEC, bisa yadda ta raba kayan zaɓe a kan lokaci a faɗin jihar. "Na yaba da ƙoƙarin…

18 Mar

INEC ta fara ɗora sakamakon zaɓe a intanet ta BVAS

EditorLabarai, Siyasa

Daga SANI AHMAD GIWA Hukumar Zaɓe Mai Zaman Kanta ta Ƙasa (INEC), ta ɗora wasu daga cikin sakamakon zaɓen ranar Asabar ta hanyar BVAS. Rashin amfani da BVAS a zaɓen ranar 25 ga Fabrairu ya haifar da dambarwar amincewa ga hukumar zaɓen, wanda ‘yan Nijeriya da jami’an zave suka yi kakkausar suka. Kodayake hukumar ta yi amfani da matsalar fasaha a matsayin dalilin rashin amfani da BVAS wajen watsa sakamako, da yawa masu suka sun ƙi amincewa da uzurin. Sai dai hukumar ta yi alƙawarin inganta tare da yin amfani da na'urar a zaɓen da ke gudana yau. Manhaja ta…

18 Mar

HOTUNA: Yadda Gwamna Buni ya kaɗa ƙuri’arsa

EditorLabarai, Siyasa

Gwamnan Jihar Yobe, kuma ɗan takarar Gwamnan jihar ƙarƙashin Jam'iyyar APC, Hon. Mai Mala Buni, ya jefa ƙuri'a a mazaɓarsa da ke Buni-Gari.