Labarai - Manhaja - Blueprint Hausa version

19 Mar

Zaɓen Gwamnoni: Gwamna Makinde ya kai bantensa

EditorLabarai, Siyasa

Daga BASHIR ISAH Hukumar Zaɓe ta Ƙasa (INEC), ta bayyana Gwamna Seyi Makinde na Jihar Oyo a matsayin wanda ya lashe zaɓen gwamnan jihar ƙarƙashin Jam'iyyar PDP. Makinde ya lashe zaɓen ne da ƙuri'u 563,617 yayin da Sanata Teslim Folarin na APC ya rufa masa baya da ƙuri'u 251,230, sannan Adebayo Adelabu na jam'iyyar of the Accord ya zo na uku inda ya tsira da ƙuri'u 38,757. A ranar Asabar aka gudanar da zaɓen gwamna a jihohi 28 daga cikin 36 da ƙasar ke da su. Jihohi takwas ɗin da ba a yi zaɓen gwamna a cikinsu ba sun haɗa…

19 Mar

Rundunar ‘Yan Sanda ta haramta bikin murnar lashe zaɓe a Kano

EditorLabarai

Daga RABI'U SANUSI a Kano Rundunar 'Yan Sandan Jihar Kano ƙarƙashin jagorancin CP Usaini Mohammed Gumel mai jagorantar harkokin zaɓen da ke gudana a jihar, ta haramta bikin murnar lashe ta hanyar zagaye kan tituna ko makamancin haka wanda ka iya haifar da hargitsi a jihar. Kwamishinan ya bayyana haka ga manema labarai a yammacin Asabar bayan kammala zagayen da haɗakar rundunonin tsaro suka gabatar na sa ido bisa yadda dokar Hukumar 'Yan Sanda ta Ƙasa, ƙarƙashin jagorancin IG Usman Baba Alkali ta ɗora ma kowane CP a faɗin ƙasar a lokacin zaɓen. CP Gumel ya kuma yaba da yadda…

19 Mar

ICPC ta kama masu sayen ƙuri’a a Katsina da Sakkwato

EditorLabarai

Daga UMAR GARBA a Katsina Hukumar yaƙi da cin hanci da almundahanar kuɗaɗe ta Nijeriya, wato ICPC, ta ce jami'anta sun kama mutum huɗu bisa zargin sayen ƙuri'a a jihohin Sakkwato da Katsina. ICPC ta bayyana haka ne cikin wani saƙo da ta wallafa a shafinta na Tiwita, inda ta ce ta kama mutanen ne ranar Asabar a lokacin da ake gudanar da zaɓen gwamna da na 'yan majalisar dokokin jihohi. Haka kuma, hukumar ta ce an kai wa jami'anta hari tare da raunata mutum guda a jihar Sakkwato. Ta ƙara da cewa an kai wa jami'an nata harin ne…

19 Mar

Gobara ta ƙara lamushe shahararriyar kasuwa a Borno

EditorKasuwanci, Labarai

Daga AMINA YUSUF ALI Gobara ta lamushe wata kasuwa da ake kira Gamboru a cikin birnin Maiduguri, babban birnin jihar Borno. Kasuwar Gamboru ita ce kasuwar sayar da kayan gwari mafi girma a garin Maiduguri. Ya zuwa haɗa wannan labari ba a san musabbabin gobarar ba, amma majiyarmu ta bayyana cewa, an rasa dukiya ta ɗaruruwan miliyoyin Nairori. Gobarar ta afku ne bayan ɓarkewar wata gobarar daban a sassafiyar Asabar ɗin a kasuwar Biu da ke a Kudancin jihar Borno.

19 Mar

Zaɓen Gwamnoni: APC ta lallasa PDP a rumfar Shugaban Majalisar Dattawa

EditorLabarai, Siyasa

Daga MUHAMMAD AL-AMEEN a Damaturu A ƙwarya-ƙwaryar sakamakon zaɓen Gwamna da na 'yan majalisun dokoki, wanda malamar zaɓe a rumfa mai lamba 001 dake cikin Makaranar Firamaren Katuzu, a Gashuwa ta jihar Yobe ta jagoranta, Shugaban Majisar Dattawan Nijeriya, Sanata Ahmed Lawan ya lashe mazaɓarsa da tazara mai yawa a zaɓen. Da take bayyana sakamakon, jami'ar zaɓen, Malama Rahama Ahmad ta ce ɗan takarar Gwamna a jam'iyyar APC shi ne ya samu gagarumar nasara a rumfar zaɓen da yawan ƙuri'a 435 yayin da abokin takararsa na PDP ya samu ƙuri'a 295.

18 Mar

Masu sayen ƙuri’a sun kai wa jami’an EFCC hari a Kaduna

EditorLabarai

Daga MAHDI M. MUHAMMAD An kai wa jami’an EFCC hari a yayin da suka ƙara matsa lamba kan aikin sanya idanu a zaɓen da ake gudanarwa na gwamnoni da ’yan majalisun jihohi. Cikin wata sanarwa da hukumar ta wallafa a shafinta na Facebook ta ce, an kai wa jami’an nata hari ne a Unguwar Rimi yayin da suke yunƙurin kama wasu da ake zargi da sayen ƙuri’a. Tawagar tasu da ke aikin sanya idanu na sirri ta yi zargin wani mutum da ake kira Kabiru Musa da aka gani cikin wani bidiyo riƙe da wayarsa yana aikawa mutane kuɗi idan…

18 Mar

HOTUNA: Yadda wasu ɓata-gari suka yi fatafata da akwatin zaɓe a Kano

EditorLabarai, Siyasa

An samu wasu ɓata-garin da suka lalata akwatunan zaɓe a garin Rimin Gado, Jihar Kano HOTUNA: Sani Maikatanga

18 Mar

Ya kamata Gwamnati ta ƙarfafa tsaron ƙasa da karin jami’ai – Tambuwal

EditorLabarai

Daga AMINU AMANAWA a Sakkwato Gwamna Aminu Waziri Tambuwal na Jihar Sakkwato, ya buƙaci Gwamnatin Tarayya da ta samar da ƙarin jami’an tsaro domin tallafawa wajen ƙarfafa lamarin tsaro a faɗin ƙasar nan. Tambuwal ya bayar da shawarar haka ne jim kaɗan bayan kaɗa ƙuri’arsa a rumfa mai lamba 33 dake Makarantar Sakandirin garin Tambuwal. A cewarsa, samar da ƙarin jami’an tsaron ba makawa zai taimaka wajen kare martabar ƙasar a idon duniya. Game da zaɓen gwamnoni da na majalisar jihohi kuwa, Tambuwal ya buƙaci Hukumar Zaɓe ta Ƙasa, INEC, da ta ƙara yin shiri na musamman domin gudanar da…

18 Mar

INEC ta ɗage zaɓen gwamna zuwa Lahadi a rumfunan zaɓe 10 a Legas

EditorLabarai, Siyasa

Daga BASHIR ISAH Hukumar Zaɓe ta Ƙasa (INEC), ta ɗage zaɓen gwamna da na majalisar jiha a wasu rumfunan zaɓe guda 10 a yankin Lekki, Jihar Legas. Kwamishinan INEC na jihar, Segun Agbaje, shi ne ya sanar da haka ga manema labarai. A cewarsa, wasu masu yi wa ƙasa hidima da INEC ta ɗauka aikin wucin-gadi sun yi zargin an kama su yayin zaɓen Shugaban Ƙasa da ya gabata yayin da suka yi yinƙurin shiga yankin. Ya ce bayan da ma'aikatansu suka shirya kayan aiki, mazauna yankin sun ji tsoron fitowa gudun kada ɓata-garin yankin su fafare su, su tarwatsa…

18 Mar

Tsohon Mataimakin Gwamnan Ekiti ya mutu a ranar zaɓe

EditorLabarai

Daga BASHIR ISAH Allah Ya yi wa Mataimakin Gwamnan Jihar Ekiti na baya-bayan nan, Otunba Bisi Egbeyemi, rasuwa a ranar Asabar da ake gudanar da zaɓen gwamnoni da na majalisar jihohi. Egbeyemi ya rasu ne da safiyar Asabar a wani asibiti da ke Ado-Ekiti, babban birnin jihar. An haifi marigayin ne ran 8 ga Mayu, 1944, inda ya bar duniya yana da shekara 79. A halin rayuwarsa, lauya ne shi kuma ɗan siyasa. Ya taɓa riƙe matsayin Shugaban Ƙaramar Hukumar Ado Ekiti daga 1992 zuwa 1993, kafin daga bisani ya zama Mataimakin Gwamnan jihar ga Gwamna Kayode Fayemi, daga 2018…