Labarai - Manhaja - Blueprint Hausa version

10 Mar

Ɗan Chana ya fallasa abubuwan ta’ajibi a shari’ar kisan Ummita

EditorBabban Labari, Labarai

*Ba na roƙon kada a kashe ni, inji shi Daga SANI AHMAD GIWA a Abuja Ɗan ƙasar Chana ɗin nan mai suna Frank Geng Quangrong mai shekaru 47 da ake tuhuma da laifin kashe masoyiyarsa, jiya Alhamis ya sake faɗa wa kotu a Kano cewa bai taɓa niyyar kashe budurwarsa ‘yar Nijeriya mai suna Ummukulsum Sani 'yar shekara 22, da aka fi sani da Ummita ba. Wanda ake tuhumar, mazaunin Railway Quarters a Kano, ana tuhumar sa da laifin kisan kai. Da lauyan gwamnati, Musa Lawal ke tambayar dalilin sa na zuwa gidan su Ummita ba tare da gayyata ba,…

10 Mar

HOTUNA: Yadda aka gudanar da jana’izar hamshaƙin ɗan kasuwa, Sani Dahiru Yakasai

EditorLabarai

A ranar Juma'a aka gudanar da jana'izar hamshaƙin ɗan kasuwar nan, Sani Dahiri Yakasai. An gudanar da sallar jana'izar ce a Fadar Sarkin Kano. Ranar Alhamis Allah Ya yi wa marigayin cikawa a ofishinsa bayan fama da rashin lafiya. Mahalarta jana'izar sun haɗa da Gwamnan Kano, Abdullahi Umar Ganduje, Sanata Ibrahim Shekarau, Sarkin Kano, Alhaji Aminu Ado Bayero da sauran ɗaruruwan Musulmi.

10 Mar

Gbajabiamila na shirin zama shugaban ma’aikatan Fadar Shugaban Ƙasa a gwamnatin Tinubu

EditorLabarai

Daga WAKILINMU Alamu sun nuna Shugaban Majalisar Wakilai, Femi Gbajabiamila, na shirin zama shugaban ma'aikatan Fadar Shugaban Ƙasa ga zaɓaɓɓen Shugaban Ƙasa mai jiran gado, Bola Ahmed Tinubu, a gwamnati mai zuwa. Bayanai sun ce hakan ba ya rasa nasaba da ƙin zuwa karɓar shaidar lashe zaɓe da Gbajabiamila ɗin ya yi inda INEC ta miƙa shaidar lashe zaɓe ga 'yan Majalisar Wakilai da suka kai bantensu a ranar Larabar da ta gabata a Abuja. An sake zaɓar Gbajabiamila don wakilcin yankin Surulere 1 a Jihar Legas, wanda wannan ya zama karo na shida da yake lashe zaɓe a shiyyar.…

10 Mar

Sarakunan Machina, Nguru da Bade sun sha alwashin mara wa sojoji baya kan yaƙi da matsalar tsaro

EditorLabarai

Daga BASHIR ISAH Sarkin Machina, Alh Dr. Bashir Albishir Bukar (OON) da na Nguru, Alh Mustapha Ibn Mai Kyari da kuma Sarkin Bade, Alh Mai Abubakar Umar Suleiman, baki ɗayansu a Jihar Yobe, sun sha alwashin mara wa sojoji baya don ci gaba da yaƙi da matsalolin tsaro musmaman a shiyyar Arewa maso Gabas. Sarakunan sun bayyana hakan ne sa'ilin da dakarun rundunar Operation Hadin Kai (OPHK) mai yaki da ta'addanci a Arewa maso Gabas ta kai musu ziyara a ranar Talata. Rundunar ƙarƙashin jagorancin Manjo Janar Mayirenso Lander David Saraso, ta ziyarci sarakunan ne domin ci gaba da neman…

09 Mar

Da Ɗumi-ɗumi: Kotu ta tsare tsohon Mataimakin Gwamnan Imo a kurkuku

EditorLabarai

Daga WAKILINMU Kotun Majastare mai zamanta a Owerri, babban birnin Jihar Imo, ta tsare tsohon Mataimakin Gwamnan Imo, Gerald Irona, a gidan yari. Alƙalin kotun, C.N Ezerioha ne ya ba da umarnin haka yayin zaman kotun a ranar Alhamis. A ranar Laraba ‘yan sanda suka cafke Irona a gidansa da ke Owerri kafin daga bisani aka gurfana da shi a kotu. A cewar ‘yan sanda, an kama shi ne saboda furucin tada fitina da ya yi a Kotun Ƙoli yayin da ake shari’a tsakanin Gwamnan Hope Uzodimma da tsohon Gwamna Emeka Ihedioha.

09 Mar

Zaɓen 2023: Gwamnati ta tsawaita hutun manyan makarantu

EditorLabarai

Daga BASHIR ISAH Gwamnatin Tarayya ta tsawaita hutun da ta ba wa manyan makarantu albarkacin zaɓuɓɓukan 2023. Gwamnati ta tsawai hutun ne sakamakon ɗage zaɓen gwamnoni da na ’yan majalisun jihohi da Hukumar Zaɓe, INEC, ta yi zuwa ranar 18 ga Maris. Ministan Ilimi, Adamu Adamu ne ya bayyana tsawaita wa’adin hutun, inda ya ce ya zuwa 20 ga Maris, 2023 makarantun da lamarin ya shafa za su koma bakin aiki. INEC ta ce ta ɗage zaɓen ne domin ba ta damar sake saita na’urorin BVAS da za a yi amfani da su yayin zaɓen na gwamnoni. Da fari INEC…

09 Mar

TikTok ya gamu da cikas

EditorLabarai, Nishadi

Daga BASHIR ISAH A safiyar ranar Alhamis dandalin TikTok ya gamu da cikas, lamarin da ya jefa dubban masu amfani da manhajarsa a faɗin duniya cikin mawuyacin hali. A cewar shafin intanet na DownDetector mai bibiyar ire-iren waɗannan batutuwa, matsalar ta fara ne da misalin ƙarfe 09:40 agogon GMT daidai da ƙarfe 04:40 agogon ET. Ya zuwa haɗa wannan labari, kimanin mutum 3,000 sun shigar da ƙorafi rashin aikin manhajar TikTok mallakar wani kamfanin Chana mai suna ByteDance. Masu amfani da manhajar a sassan duniya, ciki har da mazauna Birtaniya da London, ne suka yi ƙorafi kan matsalar da aka…

09 Mar

Ana fargabar mutum da dama sun mutu a hatsarin jirgin ƙasa da mota a Legas

EditorLabarai

Dag BASHIR ISAH Ana fargabar mutanen da ba a tantance adadinsu ba sun mutu, sannan da dama sun jikkata sakamakon hatsarin da ya auku tsakanin jirgin ƙasa da wata mota bas (BRT) da safiyar Alhamis a Legas. Wani mai amfani da kafar Tiwita, @Trutfully83, shi ne ya bayyana hakan a shafinsa. Inda ya wallafa cewar "an samu aukuwar hatsari motar BRT mai ɗauke da fasinjoji da kuma jirgin ƙasa a yankin Ikeja a Legas. "Ba a tantance adadin waɗanda suka mutu ba a wannan lokaci, amma waɗanda hatsarin ya rutsa da su ɗin na buƙatar kulawar gaggawa," in ji shi.…

09 Mar

Kotu ta amince da buƙatar INEC kan sake saita na’urorin BVAS

EditorLabarai

Daga BASHIR ISAH Kotun Sauraren Ƙararrakin Zaɓen Shugaban Ƙasa (PEPC) ta bai wa Hukumar Zaɓe ta Ƙasa, INEC, damar sake seta na'urorin BVAS da ta yi amfani da su a zaɓen Shugaban Ƙasa da na 'yan majalisun tarayya. Yayin zaman kotun a ranar Laraba, ta ce hana INEC sake seta na'urorin zai shafi zaɓen gwamnoni da na majalisun jihohi da za a gudanar a gaba. Ta yi watsi da ƙorafin da Jam'iyyar Labour da ɗan takararta Peter Obi suka yi kan yunƙurin da INEC ɗin ta yi na sake seta na'urorin BVAS da aka yi amfani da su. Kotun ta…

09 Mar

Kotu ta yi watsi da buƙatar INEC ta neman sauya damar bincikar kayan zaɓen da aka ba wa su Atiku

EditorLabarai

Daga BASHIR ISAH Kotun Sauraren Ƙararrakin Zaɓen Shugaban Ƙasa ta yi watsi da buƙatar Hukumar Zaɓe ta Ƙasa (INEC), ta neman a dakatar da damar da aka bai wa 'yan takarar shugabancin ƙasa na jam'iyyun PDP da Labour, Atiku Abubakar da Peter Obi, bincikar kayayyakin da aka yi amfani da su wajen gudanar da zaɓen Shugaban Ƙasa. A ranar Juma'ar da ta gabata kotu ta bai wa Atiku da Obi damar bincikar kayan zaɓe bayan da suka shigar da ƙara suna ƙalubalantar nasarar da Bola Tinubu na Jam'iyyar APC ya samu ta lashe zaɓen. Atiku da Obi sun nuna rashin…