Daga MAHDI MUSA MUHAMMAD
Shugaban Jami’ar Karatu Daga Gida ta Nijeriya (NOUN), Farfesa Olufemi Peters, ya bayyana cewa tsarin karatu daga gida (ODL) ya kasance makomar ilimi a duniya.
Hakan dai ya zo ne kamar yadda jami’ar ta yi wa sabbin ɗalibai 23,344 rajista waɗanda suka yi rajistar karatun digiri daban-daban da na digirin digirgir.
Peters ya bayyana haka ne a wajen bikin kammala karatun digiri karo na 27 a ranar Laraba, 8 ga watan Janairu, 2025, inda ya tarɓi ɗaliban da suka shiga jami’ar.
Bikin wanda aka gudanar a kusan kuma a cibiyoyin karatu na NOUN a duk faɗin ƙasar, ya kuma shaida rantsar da sabbin ɗalibai.
Peters ya nanata ƙudurin NOUN na kawo sauyi a fannin ilimi a Nijeriya, yana mai bayyana ODL a matsayin makomar ilimi, musamman a cikin duniyar da ke ƙara ƙaimi ta hanyar ƙirƙire-ƙirƙire na dijital da kuma buƙatar samar da tsarin ilmantarwa.
