Ko Mbappe zai iya komawa Chelsea?

Daga MAHDI M. MUHAMMAD

Rahotanni sun ce ƙungiyar Paris St-Germain ta bai wa Kylian Mbappe wa’adin sabunta kwantiragi a ranar 1 ga watan Agusta ko kuma ya bar ƙungiyar.

Ana raɗe-raɗin cewa ɗan wasan na Faransa, mai shekara 24, ya amince ya koma Real Madrid a kakar wasa mai zuwa a kyauta idan kwantiraginsa a PSG ya ƙare.

Mbappe na damar barin PSG a kakar bana – ko dai a matsayin aro ko kuma a kan kwangilar dindindin, wanda ta hakan ne PSG za ta iya samun kuɗi a kansa.

Sai kuma yanzu ga Chelsea da Barcelona na nuna sha’awar ɗaukar ɗan wasan.

A cewar wata majiya, mamallakin Chelsea, Todd Boehly, yana son Mbappe amma yana fuskantar gogayya daga Barcelona inda ƙungiyoyin biyu ke da niyyar bayar da ’yan wasa da kuma tsabar kuɗi.

Leave a Reply

Your email address will not be published. Required fields are marked *