Manyan ƙungiyoyin ƙwallon kafa na Turai sune ƙungiyoyin da aka fi sanin su a duniya kuma suna jan hankalin magoya bayansu daga ko’ina a faɗin duniya.
Za mu yi dubi ne kan ƙungiyoyin da suka fi lashe kofuna da kuma inda suka fi samun nasara, a cikin gida ko kuma a ƙasashen waje.
Bayan nishaɗi, tarihin ƙwallon ƙafa ya rubuta masu nasara kuma akwai ƙungiyoyi kaɗan da suka yi fice.
Waɗannan su ne ƙungiyoyi 10 da ke da mafi yawan lashe kofuna a duniya har zuwa Yuni 2022.
1. Nacional (Uruguay):
Tawagar Uruguay ita ce ta fi samun nasara a Kudancin Amurka sannan kuma ita ce ƙungiyar da ta fi kowacce kambu a duniya da kofuna 162, sakamakon wasanninta na ƙasa da ƙasa 140 da 22 ta yi nasara a gasar ƙasa da ƙasa.
2. Penarol (Uruguay):
Koyaushe a cigaba da fafatawa da Nacional domin ganin ko wace ƙungiya ce ke da laƙabi ba kawai a Uruguay ba har ma da Kudancin Amurka baki ɗaya, ‘Los Aurinegros’ ta lashe kofuna 147 a hukumance, 133 na cikin gida da 14 a fagen ƙasa da ƙasa.
3. Al-Ahly (Masar):
ƙungiyar ƙwallon ƙafa ta Masar ta lashe kofuna 139 a tarihin ta. Daga cikin waɗannan, 115 sun kasance cikin gida, 23 na nahiyoyi da kuma gasar cin kofin duniya 1.
4. Rangers (Scotland):
Duk da faɗuwar da suka yi ta hanyar fatara, kulob ɗin na Scotland ya cigaba da zama kulob ɗin da ya fi kowanne laƙabi a Turai da 117. An ci 116 a cikin gida da kuma ɗaya, gasar cin kofin Turai 1972, a cikin gasannin ƙasa da ƙasa.
5. Celtic (Scotland):
Katolika sun lashe kofuna 113 a tsawon tarihinsu, 112 a wasan ƙwallon ƙafa na Scotland sai kuma ɗaya kawai, gasar cin kofin Turai a kakar 1966-67, a ɓangaren ƙasa da ƙasa.
6. Real Madrid (Sifaniya):
Real Madrid ta kama Barcelona da kofin Spanish Super Cup da na La Liga a shekarar 2022. Los Blancos tana da kofuna 98, 68 a fagen ƙwallon ƙafa ta Spaniya da 30 a gasar ƙasa da ƙasa, cikin harda gasar Zakarun Turai da ta lashe a ƙarshen wannan makon akan Liverpool.
7. Barcelona (Sifaniya):
Barca ta ga abokan hamayyarsu na har abada sun kama su a kakar wasa ta bana da kofuna uku. Barcelona ta lashe kofuna 97, 75 a gasar ƙwallon ƙafa ta Spain da kuma 22 a matakin ƙasa da ƙasa.
8. Benfica (Portugal):
Kofuna 87 ne kulob ɗin Portugal da ya fi samun nasara a tarihi. Sun ci 84 a cikin gasannin Portugal da uku a matakin ƙasa da ƙasa.
9. Al Faisaly (Jordan):
Tawagar Jordan, ba ta da kishiya a ƙasar, kuma, a lokaci guda, ba a san ta ba a wajen Asiya, ita ce ƙungiya ta tara mafi nasara a tarihi. Sun ci gasa 82 a hukumance, 80 a Jordan da kuma kofin AFC sau biyu a matakin ƙasa da klƙasa.
10. Porto (Portugal):
Koyaushe a cikin fafatawa da Benfica kuma wadda ta lashe gasar ta bana a ƙwallon ƙafa ta Portugal, Porto ta lashe kofuna 81 a rayuwarsu. Ba kamar Lisbon ba, FC Porto sun lashe 74 a Portugal da 7 a fagen ƙasa da klƙasa, tare da gasar cin kofin Turai 2 a matsayin babbar nasarar da suka samu.
