Tare da CHIROMA AMINU ASID
Bayan an ci tuwon sallah da miya mai maiƙo da nama, cin dabino yana iya yin kyakkyawan tasiri ga lafiya, amma yana da mahimmanci a kula da yadda ake cin shi.
Amfanin cin dabino ga lafiya:
Yana taimaka wa narkewar abinci: Tuwon Sallah yawanci yana ɗauke da garin dawa, shinkafa ko masara, waɗanda ke da ‘carbohydrates’ masu nauyi. Dabino yana ɗauke da ‘fiber’, wanda ke taimakawa wajen sauƙaƙa narkewar abinci da hana kumburin ciki.
Yana rage tasirin maiƙo da kitse: Nama da miya mai kitse (fat) na iya haifar da ƙaruwar kitse (cholesterol) a jiki. Dabino yana ɗauke da sinadaran ‘antioɗidants da ‘fiber’, wanda ke taimakawa wajen rage maiƙo maras kyau (LDL cholesterol) a jini, yana hana matsalolin zuciya.
Yana hana ciwon ciki da ‘constipation’: Bayan cin abinci mai nauyi kamar tuwo da nama, mutane da dama na fuskantar ciwon ciki ko toshewar hanji (constipation). Dabino na ɗauke da ‘fiber’ mai yawa, wanda ke taimakawa wajen sauƙaƙa bayan gida.
Yana kara kuzari da magance gajiya: Bayan cin nauyin abinci kamar tuwo, yawancin mutane suna jin nauyi da kasala. Dabino yana ɗauke da ‘natural sugar (fructose da glucose’), wanda ke ba jiki ƙarfin kuzari cikin sauri ba tare da dagula ‘sugar’ ɗin jini sosai ba.
Yana taimaka wa rage tasirin sugar a jini: Idan aka ci tuwo mai yawa, yana iya haifar da ƙaruwar ‘sugar’ a jini cikin gaggawa.
Dabino na ɗauke da ‘fiber’ da ‘antioɗidants’, wanda ke hana jini karbar ‘sugar’ cikin gaggawa, don haka yana taimakawa wajen daidaita matakin ‘sugar’ a jiki.
Shin dabino zai iya yin illa bayan cin tuwon sallah?
Idan an ci dabino da yawa, yana iya ƙara ‘sugar’ a jini, wanda ba shi da kyau ga masu ciwon ‘diabetes’.
Idan an cinye abinci mai nauyi da maiƙo sosai, sannan aka ƙara da dabino da yawa, yana iya ƙara girma da nauyin jiki.
Shawara:
A ci dabino 3 zuwa 5 kacal bayan cin tuwon sallah don kauce wa yawan ‘sugar’.
A sha ruwa mai kyau bayan cin dabino don taimakawa wajen narkewar abinci.
