ukarofi - Manhaja - Blueprint Hausa version

20 Jun

Hajji: Aƙalla mahajjata 900 ne suka rasu saboda tsananin zafi

ukarofiLabarai

A cewar jaridar AFP, aƙalla mahajjata 600 daga ƙasar Misra suka rasu. Yayin da suke kai adadin a jumlace zuwa 922 a wata ƙididdiga. An sami yawaitar zuwa asibitoci a lokacin aikin hajji, yayin da cigiyar wanda suka ɓace shima ya yawaita. Duk da wannan rahoton na cewa mahajjata 900 suka rasu lokacin aikin hajji, shugaban hukumar alhazai ta ƙasa yace yan najeriya uku ne ƙadai suka rasu. Ya ƙara da cewa, aƙalla mutum 17 ne suka suma saboda tsananin zafi, amma kawo yanzu duk an basu kulawa sun dawo hayyacinsu. An ƙara samun mata biyu masu ciki wanda sukai…

20 Jun

Atiku ya kai ziyarar sallah ga tsofaffin shugabannin Najeriya a Minna

ukarofiLabarai

Tsohon mataimakin Shugaban Ƙasa, Atiku Abubakar ya kai ziyara ga tsofaffin shugabannin ƙasa na mulkin soja, Janar Abdulsalami Abubakar da Janar Ibrahim Badamasi Babangida a gidajen su da ke minna babban birnin jihar Neja. Atiku, shine ya wallafa wannan labarin da kuma hotunan ganawarsu ta shafin sa na sada zumunta. Atiku Abubakar tsohon mataimakin Shugaban ƙasar Najeriya ne daga shekarar 1999 zuwa 2007.

19 Jun

Abba Kyari zai koma gidan kaso

ukarofiLabarai

A yau wata babbar kotu da ke Abuja ta hana Mataimakin kwamisshinan yan sanda wanda aka dakatar Abba Kyari sabon beli. Saboda haka, zai koma gidan kaso na Kuje. Mai sharia Emeka Nwite lokacin da yake yanke hukuncin yace, bada belin wani abu ne da kotu in ta ga dama zata bayar ko akasin haka. Ya ƙara da cewa wanda ake ƙarar bai bada wani ƙwakwaran hujja da zai sanya kotu ta sake bada belin nashi. A 22 ga watan Mayu da ya wuce, kotun ta bada belin Abba Kyari domin bashi damar halartar janaizar mahaifiyar sa. Bayan wannan lokacin…

19 Jun

Kotu ta kori ƙarar da shugabannin Binance suka shigar kan Ribaɗu da EFCC

ukarofiLabarai

Wata babbar Kotu a Abuja ta kori ƙarar da binance suka shigar a kan Ribaɗu da EFCC. Mai shari'a, Inyang Ekwo ne ya kori ƙarar sabida rashin cika ƙa'idoji. Lokacin da aka kira shari'ar domin a fara, sai a ka nemi lauyoyi masu wakiltar shugaban binance ɗin Anjarwalla a ka rasa. Mai shari'an ya sanya 9 ga watan Yuli domin sauraren ƙarar da shi Gambaryan ya shigar.

19 Jun

Gobara ta kama a Ado Bayero Mall da ke Kano

ukarofiLabarai

Wani sashen babban kantin nan na Ado Bayero ya kama da wuta. Duk da cewar har yanzu ba a samu cikakken bayanin dalilin da yasa wutar ta kama ba, amma ma'aikatan kashe gobara sun halarci wurin. An hana mutane zirga zirga a sashen da wutar ta kama har sai ma'aikata sun gama aikinsu.

19 Jun

Wani mai gadi ya rasa ranshi yayin raba faɗa

ukarofiLabarai

Rundunar yan sandan jihar Legas ta tabbatar da cewa wani mai gadi mai suna Yusuf Akadogo, ya rasa ransa yayin da yake raba faɗa tsakanin wani ɗan achaɓa da wani mutum. Mai magana da yawun yan sandan na Legas, SP Benjamin Hundeyin ne ya sanar da hakan a yau talata. Ya ƙara da cewa ɗan achaɓar dai ya gudu, har yanzu ana neman shi.Ya kuma ƙara da cewa an yi hanzarin kai Mai gadin asibitin jami’ar jihar Legas, saidai a can ne rai ya yi halinsa.

18 Jun

Mahaifiyar Bukola Saraki ta rasu

ukarofiLabarai

Allah yayi wa mahaifiyar Abubakar Bukola Saraki, MADAM Florence Morenike Saraki rasuwa. Jaridar daily trust ta rawaito, mahaifiyar mai shekaru 88 ta yi doguwar suma kafin a kai ta asibiti a jihar Legas. Wata majiya na cewa, abun ya faru ne da yammacin yau lokacin da mama tai doguwar suma, a ka dauketa a ka tafi da ita asibiti, wanda daga bisani a ka kwantar da ita a dakin jinyar masu kula ta musamman. Marigayiyar, ta kasance mata ga tsohon sanatan jamhuriya ta biyu Olusola Saraki, wanda shine jagoran siyasar jihar Kwara kafin Rasuwar shi a shekarar 2012.

18 Jun

Waƙa: ALLAH JIƘAN SARKI ADO

ukarofiNishadi

Daga KHALID IMAM Lokacin da muke da sarki, Kada sarki a tafki, Goro daushe mai kamala, Wanda kowa ke muradi, Mararin ya gani a kullum, Kowa a cikin ƙasarmu, Kewayenta da duniya kaf, Yasan darajar Kanawa. Lokacin Sarkinmu Ado, Kano da dukkan Kanawa, Sun yi ƙima babu shakka, Lokacin babban sadauki, Dodo namijin mazaje, Ado ɗan abdu zaki, Dukkanin jama'ar Arewa, Sun san a Kano da sarki. Lokacin sarkinmu Ado, Ba ma a Jihar Kano ba, Dukkanin mutumin Arewa, Yai alfahari da tsauni, Wanda ba a yi wa dundu, Lokaci na giye a sarki, Dukkan wani ɗa Bahaushe, Jinjina ya…

18 Jun

Rarara: Matar aure ko karuwa?

ukarofiRa'ayi

Tare da FARFESA IBRAHIM MALUMFASHI Don Allah Yakubu Musa idan ana kwatancin mawaƙan Hausa, a bar auna Shata da Rarara, hanyar jirgin daban, ta mota daban. Yin haka ina ga "daƙile" muhibba da zalaƙa da gwaninta da ɗaukaka da kuma mutuncin da Shata yake da shi a duniyar waƙar Hausa ne. Rarara ba ajin Shata yake ba, ba ma makarantarsu guda ba kamar yadda na sha faɗa, manta ma da zamani, domin ba a taɓa yin wani irin Shata ba, bare wani ya ce ya kai abin kwantancen sa! Rarara mawaƙin siyasa ne, ko kuma jam’iyyar siyasa da ke iya…

18 Jun

Sacred Heart: Asibitin farko da aka fara kafawa a Nijeriya

ukarofiRahoto

Daga MAHDI M. MUHAMMAD Asibitin Sacred Heart da ke Lantoro, Abeokuta ita ce mafi daɗewa kasancewa asibitin farko da aka fara ginawa a Nijeriya, wacce aka kafa a shekarar 1895 a ƙarƙashin kulawar cocin Katolika masu zuwa Abeokuta, wanda Reɓerend Father Coƙuard ya jagoranta. Asibitin ta zuciya ta fara ne a gine-gine na wucin gadi har zuwa kafuwar babban asibitin. An kwantar da asibiti a Itesi, Abeokuta, ranar 14 ga Oktoba, 1904 kuma an kammala shi a ranar 4 ga Mayu, 1914. An kafa ta ne sakamakon cutar kuturta da ta addabi Egbaland tsakanin 1857 zuwa 1859. Asibitin tana cikin…