ukarofi - Manhaja - Blueprint Hausa version

27 Mar

Birnin Gusau ya yi cikar ƙwari yayin da Shettima da gwamnoni 10 suka tarbi Gwamna Lawal zuwa APC

ukarofiLabarai

Daga SANUSI MUHAMMAD a Gusau Mataimakin Shugaban ƙasa, Kashim Shettima, ya jagoranci gwamnonin jihohi goma tare da shugabannin jam’iyya wajen tarbar Gwamnan Jihar Zamfara, Dauda Lawal, zuwa jam’iyyar APC. An gudanar da wannan gagarumin taro ne a ranar Talata a filin kasuwanci na Trade Fair da ke Gusau, inda dubban magoya baya, ’yan Majalisar Dokoki, da mambobin Majalisar Zartarwa suka halarta domin shaida wannan lamari mai muhimmanci a siyasar jihar. Sanarwar da mai magana da yawun gwamnan, Sulaiman Bala Idris, ya fitar ta bayyana cewa Mataimakin Shugaban ƙasar ya isa sabon filin jirgin saman Gusau na ƙasa da ƙasa, wanda…

27 Mar

Kotu ta ƙi aminta da buƙatar dakatar da yunƙurin tsige Mataimakin Gwamnan Kano

ukarofiLabarai

Daga IBRAHIM HAMISU a Kano Wata Babbar Kotun Tarayya da ke Jihar Kano, ta ƙi amincewa da buƙatar da Mataimakin Gwamnan Jihar, Kwamared Aminu Abdussalam Gwarzo, ya gabatar na dakatar da shirin tsige shi. Gwarzo, ta hannun lauyansa Umar Danbaito, ya roƙi kotu da ta bayar da umarni na wucin gadi domin hana Majalisar Dokokin Jihar Kano ci gaba da shirin tsige shi. Sai dai alƙalin kotun, Mai shari’a S. M. Shaibu, ya ce bai cika sharuɗan da ake buƙata ba domin ba da irin wannan umarni. Alƙalin ya kuma umarci Gwarzo da ya miƙa takardun kotu ga waɗanda ake…

27 Mar

Yariman Saudiyya yana zuga Amurka ta ci gaba da yaƙi da Iran – New York Times

ukarofiLabarai

Daga SANI AHMAD GIWA a Abuja Jaridar The New York Times ta ruwaito cewa wasu rahotanni daga majiyoyi na sirri sun nuna yadda Yariman Saudiyya, Mohammed bin Salman, ke nuna goyon bayan Amurka ta ci gaba da yi wa Iran matsin lamba har ma da kai farmaki. A cewar rahoton, majiyoyin diflomasiyya da na tsaro sun bayyana cewa Yariman na kallon rikicin a matsayin wata dama ta sake fasalin tasirin siyasa a yankin Gabas ta Tsakiya, musamman wajen rage ƙarfin Iran. Majiyoyi da ke da masaniya kan tattaunawar sun ce a cikin makon da ya gabata, Yariman ya shaida wa…

27 Mar

An tsare wani mutum kan yi wa Gwamnan Neja ihun ‘ba ruwa, ba wuta’

ukarofiLabarai

Daga SANI AHMAD GIWA a Abuja Rundunar ’Yan Sandan Jihar Neja ta tabbatar da kama wani mutum mai shekaru 38, Hamisu Abdullahi, kan yi Gwamna Mohammed Umaru Bago ihun “ba ruwa, ba wuta”. Rahotanni sun nuna cewar lamarin ya farj ne lokacin da Gwamnan ya kai wa Sarkin Suleja ziyara bayan idar da sallar Idi ƙarama a ranar Juma’a. Kakakin rundunar ’yan sandan jihar, SP Wasiu Abiodun, ya tabbatar wa Aminiya faruwar lamarin. Ya ce an kama mutumin ne bisa zargin ƙoƙarin tayar da tarzoma yayin ziyarar gwamnan. Ya ce, “Wani Hamisu Abdullahi, mai shekaru 38, ɗan Suleja, an kama…

27 Mar

Ana fargabar mutane sun rasu bayan rami ya rufta masu a Kano

ukarofiLabarai

Daga SANI AHMAD GIWA a Abuja Ana fargabar ma’aikata da dama sun mutu bayan wani ramin ƙasa ya rufta a kansu a ƙauyen Ridawa da ke ƙaramar Hukumar Ghari a Jihar Kano. Lamarin ya faru ne da safiyar ranar Laraba, lokacin da ma’aikata ke haƙar ƙasa a cikin wani rami mai zurfi. Shaidu sun ce lamarin ya jawo tashin hankali a yankin, inda sauran ma’aikata da mazauna yankin suka garzaya wajen domin fara aikin ceto. ɗan Majalisar Tarayya mai wakiltar Ghari/Tsanyawa, Sani Bala, ya ce rahotanni sun nuna cewa aƙalla mutum 10 ne suka maƙale a ramin. Ya buƙaci hukumomi…

27 Mar

Nijeriya na buƙatar Dala biliyan 100 domin farfaɗo da fannin lantarki — Ministan Lantarki

ukarofiLabarai

Daga MAHDI MUSA MUHAMMAD Ministan Lantarki, Adebayo Adelabu, ya bayyana cewa, Nijeriya tana buƙatar aƙalla Dala biliyan 100 domin magance matsalolin da suka dabaibaye fannin samar da wutar lantarki a ƙasar. Ministan ya bayyana hakan ne yayin wani taron manema labarai da aka gudanar a Abuja, inda ya jaddada cewa wannan adadi mai girma ba zai samu nan take ba, sai dai ta hanyar haɗin gwiwa tsakanin gwamnati da masu zuba jari masu zaman kansu, a matakai daban-daban. A cewarsa, ɓangaren samar da wuta kaɗai na buƙatar kusan dala biliyan 30 domin ƙara samar da megawatt 20,000 na lantarki, inda…

27 Mar

Yaƙin Gabas ta Tsakiya ya wuce minsharrin, inji Magatakardan Majalisar Dinkin Duniya

ukarofiLabarai

Daga MAHDI MUSA MUHAMMAD Babban Magatakardan Majalisar ɗinkin Duniya, Antonio Guterres, ya yi gargaɗi mai ƙarfi cewa, yaƙin da ke ƙara ƙamari a yankin Gabas ta Tsakiya tsakanin Amurka da Isra’ila akan Iran ya riga ya “wuce gona da iri”, inda ya ƙara da cewa, ya ma wuɓe minsharrin, yana mai kira ga dukkan ɓangarorin da su dakata su bai wa diflomasiyya damar warware shi. A wani jawabi da ya gabatar a New York a ranar Laraba, Guterres ya bayyana cewa rikicin ya zarce yadda shugabanni suka yi hasashe tun farko, inda ya ce duniya na fuskantar barazanar yaƙi mai…

27 Mar

Kotu ta gano kurakurai a ƙarar El-Rufai ta zargin take haƙƙinsa

ukarofiLabarai

Daga MAHDI MUSA MUHAMMAD Babbar Kotun Tarayya da ke Abuja ta nuna kura-kurai a cikin ƙarar take haƙƙin ɗan Adam da tsohon gwamnan Jihar Kaduna, Nasir El-Rufai, ya shigar kan wasu hukumomi da jami’an gwamnati. Alƙali Joyce Abdulmalik ta bayyana hakan ne a zaman kotu na ranar Laraba, inda ta soki tsarin da aka bi wajen gabatar da ƙarar, musamman yadda ba a kai wa ɗaya daga cikin waɗanda ake ƙara sammaci ba. Lauyan El-Rufai, Ugochukwu Nnakwu, ya shaida wa kotu cewa har zuwa lokacin ba a samu damar isar da sammaci ga babban alƙalin kotun majistare da aka saka…

27 Mar

An wanke tsohuwar minista Oduah daga tuhumar damfara bayan sasantawar wajen kotu

ukarofiLabarai

Daga MAHDI MUSA MUHAMMAD Babbar Kotun Babban Birnin Tarayya da ke Abuja ta sallami tsohuwar Ministar Sufurin Jiragen Sama, Stella Oduah, daga dukkanin tuhume-tuhumen damfara da ake yi mata, bayan an cimma yarjejeniyar sasanci tsakanin ɓangarorin da ke shari’ar. Mai shari’a, Hamza Muazu, ne ya yanke wannan hukunci a ranar Alhamis a reshen kotun da ke Maitama, bayan da Ofishin Babban Lauyan Gwamnatin Tarayya ya janye ƙarar da ake yi wa tsohuwar ministar da kuma tsohuwar mataimakiyarta, Gloria Odita. Lauyan gwamnati, Rotimi Oyedepo (SAN), ya bayyana wa kotu cewa an cimma matsaya ta sasanci, wato plea bargain, lamarin da ya…

27 Mar

Kotu ta ba da umarnin kama shugaban PDP, Tanimu Turaki

ukarofiLabarai

Daga MAHDI MUSA MUHAMMAD Wata Babbar Kotun Babban Birnin Tarayya Abuja ta bayar da umarnin kama tsohon shugaban jam’iyyar PDP na tsagi ɗaya, Tanimu Turaki, bayan ya gaza halartar kotu domin amsa tuhumar da ake yi masa. Alƙalin kotun, Peter Kekemeke, ne ya bayar da wannan umarni, inda ya ce dole ne a tilasta wa Turaki ya bayyana a gaban kotu domin fuskantar shari’a. Rahotanni sun nuna cewa ana tuhumar Turaki da laifin bayar da bayanan ƙarya ga ‘yan sanda, tuhuma da aka shigar a ƙarƙashin jagorancin Kayode Egbetokun, Sufeto Janar na ‘Yan Sandan Nijeriya. A zaman kotun na ranar,…