ukarofi - Manhaja - Blueprint Hausa version

27 Feb

DSS ta kama mutum na shida da ake zargi da kitsa harin Owo

ukarofiKasashen Waje

Daga SANI AHMAD GIWA a Abuja Hukumar Tsaro ta Farin Kaya DSS ta sanar da cafke wani mutum da ake zargi yana da hannu a harin da aka kai cocin Katolika na St. Francis da ke Owo a Jihar Edo a shekarar 2022. Mutumin nan bayan nan wanda aka bayyana da suna Sani Yusuf, shi ne cikon na shida da ake zargi da kitsa harin wanda ya yi sanadiyar mutuwar fiye da masu ibada 40 tare da jikkata wasu da dama. Tuni dai hukumar DSS ta riga ta kama mutum biyar waɗanda suke fuskantar shari’ar aikata laifukan ta’addanci. Gidan Talabijin…

27 Feb

Atiku ya zargi gwamnatin Tinubu da yi wa dimokuraɗiyya zagon ƙasa

ukarofiLabarai

Daga SANI AHMAD GIWA a Abuja Tsohon mataimakin shugaban ƙasa Atiku Abubakar, kuma jigo a jam’iyyar haɗaka ta ADC ya nuna damuwa kan ƙarancin fitowar masu kaɗa ƙuri’a da aka samu a zaɓen ƙananan hukumomin Abuja na ranar Asabar, yana mai zargin cewa hakan na nuna yadda ake yi wa dimokuraɗiyya zagon ƙasa a ƙarƙashin shugabancin Bola Tinubu. A cikin wata sanarwa da mai taimaka masa kan harkokin yaɗa labarai, Paul Ibe, ya wallafa a shafinsa na ɗ, ya bayyana cewa yawan jama’ar da suka fito zaɓen Abuja bai kai kashi 20 cikin 100 ba wata alama da ke nuna…

27 Feb

Rahoton kwamitocin Majalisar Wakilai na Amurka wata dama ce ta ƙarfafa haɗin gwiwa – Idris

ukarofiLabarai

Daga SANI AHMAD GIWA a Abuja Ministan Yaɗa Labarai da Wayar da Kai, Alhaji Mohammed Idris, ya bayyana rahoton da Kwamitocin Majalisar Wakilai biyu na Amurka suka fitar kan tsangwamar Kiristoci a Nijeriya a matsayin wata dama ta ƙarfafa haɗin gwiwa tsakanin ƙasashen biyu. Idris ya bayyana hakan ne a cikin wata sanarwa da ya fitar ranar Talata, bayan tattaunawa da aka yi a Majalisar Dokoki ta Amurka. Rahoton, wanda Kwamitin Harkokin Waje da Kwamitin Kasafin Kudi suka miƙa wa Fadar White House a ranar Litinin, ya taɓo al’amuran tsaro a Nijeriya. Ministan ya ce, “Gwamnatin Tarayya na sane da…

27 Feb

Abin da ya biyo bayan sa hannu kan dokar zaɓe ta 2026

ukarofiLabarai

Daga MAHDI MUSA MUHAMMAD Lokacin da Shugaba Bola Ahmed Tinubu ya sanya hannu kan Dokar Gyaran Zaɓe ta 2026 a Fadar Shugaban ƙasa, ba kawai ya kammala wata takarda ta doka ba ne, a'a ya rufe babi na watanni masu cike da muhawara, saɓani, zanga-zanga da siyasar gwagwarmaya tsakanin majalisun dokoki da masu ruwa da tsaki ne. Ga ’yan Nijeriya da dama, wannan mataki ya zarce bikin sanya hannu. Wani muhimmin al’amari ne da zai iya zayyana sahihancin babban zaɓen 2027. A wajen bikin sanya hannun, wanda ya samu halartar Shugaban Majalisar Dattawa Godswill Akpabio, Kakakin Majalisar Wakilai Abbas Tajudeen…

27 Feb

Zamanin take haƙƙin ɗan Adam ya ƙare a rundunar ’yan sanda, inji sabon Sufeto Janar

ukarofiLabarai

Daga MAHDI MUSA MUHAMMAD Muƙaddashin Sufeto Janar na Rundunar ’Yan Sandan Nijeriya, Olatunji Disu, ya bayyana cewa zamanin aikata laifuka ba tare da hukunci ba da kuma take haƙƙin ɗan Adam a cikin rundunar ya zo ƙarshe. Ya yi wannan furuci ne a ranar Laraba jim kaɗan bayan rantsar da shi da Shugaban ƙasa, Bola Ahmed Tinubu, ya yi a Fadar Shugaban ƙasa. Da yake zantawa da manema labarai, Disu ya amince cewa naɗin nasa ya zo masa da mamaki, amma ya zauke shi a matsayin babban aalubale da kuma dama ta hidima. A cewarsa, yadda Shugaban ƙasa ya ambaci…

27 Feb

Fintiri da ’yan majalisar dokokin Adamawa 13 na shirin koma wa APC

ukarofiLabarai

Daga SANI AHMAD GIWA a Abuja Gwamnan Jihar Adamawa Ahmadu Umaru Fintiri tare da Kakakin Majalisar Dokokin Jihar, Bathiya Wesley, da wasu ’yan majalisa 13 sun fice daga jam’iyyar PDP, inda suke shirin komawa APC. Majiyoyi sun ce ficewar ’yan majalisar zai taimaka wa gwamnan wajen sauya sheƙarsa cikin sauƙi. Fintiri ya sha yunƙurin ficewa daga jam’iyyar PDP, musamman bayan saɓanin da ya samu da wasu gwamnonin jam’iyyar a taron ta da aka yi a Ibadan. Shugaban ƙasa, Bola Ahmed Tinubu, ya kai ziyara jihar kwanan nan domin ƙaddamar da wasu ayyuka, inda rahotanni suka ce sun tattauna batutuwan siyasa…

27 Feb

Samar da cibiyar yin katin zaɓe a Sa’adatu Rimi ya taimaka wa ma’aikata da ɗalibai – Dakta Kabiru Gwarzo

ukarofiLabarai

Daga MUHAMMADU MUJITTABA a Kano Shugaban Kwalejin Ilimi ta Sa’adatu Rimi da ke Kano, Dakta Kabiru Ahmad Gwarzo, ya bayyana cewa samar da cibiyar yin katin zaɓe a harabar kwalejin ya taimaka matuƙa wajen sauƙaƙa wa ma’aikata, ɗalibai da maƙotan makarantar samun damar mallakar katin zaɓe ko gyara wanda ya lalace. Dakta Gwarzo ya ce kwalejin ta haɗa kai da Hukumar Zaɓe ta ƙasa mai Zaman Kanta (INEC) domin samar da wannan cibiyar, wadda za ta riƙa yi wa ɗalibai, ma’aikata da al’ummar da ke makwabtaka da kwalejin rajista da gyaran katin zaɓe cikin sauƙi. Ya bayyana hakan ne yayin…

27 Feb

Yadda SSS ta saki Walida bayan shekara uku

ukarofiBabban Labari

Daga MAHDI MUSA MUHAMMAD Bayan kusan shekaru uku na ruɗani, zarge-zarge da muhawara mai zafi a faɗin ƙasa, Hukumar Tsaro ta Farin Kaya (SSS) ta miƙa Walida Abdulhadi Ibrahim ga gwamnatin jihar Jigawa. A daren Laraba ne gwamnan jihar Jigawa, Umar Namadi, ya karɓi Walida a hedikwatar DSS da ke Abuja da misalin ƙarfe 10:40 na dare, bayan makonni na matsin lamba daga ƙungiyoyin farar hula da kuma sa ido daga jama’a. Da yake jawabi bayan karɓar, Gwamna Namadi ya bayyana Walida a matsayin “’yar jihar Jigawa,” yana mai ba da tabbacin cewa gwamnatin jihar za ta tabbatar da tsaron…

27 Feb

Sufeto janar: Dalilan da suka sa Tinubu ya sauya Egbetokun da Disu

ukarofiLabarai

Daga MAHDI MUSA MUHAMMAD Shugaban ƙasa Bola Ahmed Tinubu ya naɗa Tunji Disu a matsayin muƙaddashin Sufeto Janar na ’Yan Sanda, bayan amincewa da murabus ɗin Kayode Egbetokun – matakin da ke nuni da wani sabon salo a jagorancin harkokin tsaron cikin gida na ƙasa. A hukumance, an bayyana cewa Egbetokun ya miƙa takardar murabus dinsa ne bisa dalilan iyali. Mai bai wa Shugaban ƙasa shawara kan harkokin yaɗa labarai da dabaru, Bayo Onanuga, ya ce Shugaba Tinubu ya nuna godiya ga tsohon Sufeto Janar ɗin bisa dogon aikin da ya yi wa rundunar ‘yan sanda da ƙasa baki ɗaya,…

27 Feb

Lakurawa sun halaka mutum shida a wajen tafsiri a Kebbi

ukarofiLabarai

Daga MAHDI MUSA MUHAMMAD Aƙalla masu ibada shida ne suka rasa rayukansu yayin da wasu suka jikkata sakamakon harin da ake zargin ’yan ta’addan Lakurawa ne suka kai kan wani masallaci a ƙauyen Dadinkowa da ke ƙaramar Hukumar Maiyama ta jihar Kebbi. Rahotanni daga mazauna yankin sun bayyana cewa maharan sun kewaye masallacin ne a lokacin da ake gudanar da zaman Tafsirin Alkur’ani da daddare, kafin su buɗe wuta kan mai uwa da wabi. An ce bayan harin, an fitar da gawawwakin mutum shida domin gudanar da sallar jana’iza, inda aka tabbatar da cewa shida ne suka mutu, kuma aka…