ukarofi - Manhaja - Blueprint Hausa version

27 Feb

Kamfanin Saudi Airlines zai dawo da zirga-zirga daga Jidda zuwa Abuja

ukarofiLabarai

Daga MAHDI MUSA MUHAMMAD Jakadan ƙasar Saudiyya a Nijeriya, Yousef Albalawi, ya sanar da cewa kamfanin jiragen sama na Saudiyya zai dawo da zirga-zirga kai tsaye daga Jiddah zuwa Abuja nan da watan Yuni ko kuma a watan Janairun 2027. Jakadan ya bayyana hakan ne a ranar Laraba yayin wata ziyarar girmamawa da ya kai wa Ministan Yaɗa Labarai da Wayar da Kai, Mohammed Idris, a Abuja. A cewarsa, ziyarar na da nufin ƙara danƙon alaƙa tsakanin Saudiyya da Nijeriya tare da faɗaɗa damar haɗin gwiwa a fannoni daban-daban, musamman tattalin arziki, siyasa da tsaro. Albalawi ya jaddada cewa Saudiyya…

27 Feb

Ajiyar kuɗaɗen waje na Nijeriya ta kafa tarihin shekara 13, inji CBN

ukarofiLabarai

Daga MAHDI MUSA MUHAMMAD Ajiyar kuɗaɗen waje na Nijeriya ta kai Dala biliyan 50.45 a ranar 16 ga Fabrairu, 2026 ita ce mafi girman mataki da aka samu cikin shekaru 13 da suka gabata. Wannan bayani ya fito ne daga bakin Gwamnan Babban Bankin Nijeriya (CBN), Olayemi Cardoso, yayin da yake zantawa da manema labarai bayan kammala taron kwamitin manufofin kuɗi (MPC) karo na 304 a Abuja. Cardoso ya bayyana cewa, hauhawar ajiyar kuɗaɗen na nuna ƙaruwar ingancin yanayin tattalin arziki da kuma ƙarin amincewar kasuwanni ga alƙiblar manufofin kuɗin ƙasa. A cewarsa, ajiyar na ba da damar biyan buƙatun…

27 Feb

Gwamnati ta kare kanta bayan zargin Dokar Zartarwa ta Tinubu na iya dakatar da binciken mai a Arewa

ukarofiLabarai

Daga SANI AHMAD GIWA a Abuja Dokar Zartarwa ta 9 da Shugaba Bola Ahmed Tinubu ya rattaɓa wa hannu a makon da ya gabata, wadda ta kawo ƙarshen riƙe kashi 30 cikin 100 na kuɗaɗen shiga na mai da Kamfanin Man Fetur na ƙasa (NNPC Limited) ke warewa domin Asusun Binciken Frontier (FEF), ta ci gaba da haifar da muhawara mai zafi a tsakanin masana harkokin makamashi, lauyoyi da ƙungiyoyin ma’aikata. Masu sharhi da dama sun nuna cewa dokar na iya cin karo da tanade-tanaden Dokar Masana’antar Man Fetur (PIA) ta 2021, wadda ta tanadi ware wani kaso na ribar…

27 Feb

Bayan karɓo Walida daga DSS akwai buƙatar duba lafiyar ƙwaƙwalwarta – Barista Kabiru

ukarofiLabarai

Daga MUHAMMADU MUJITTABA a Kano Barista Kabiru Adamu, lauyan da ya jagoranci fafutukar karɓo matashiya Walida wadda ake zargin wani jami’in DSS ya riƙe na tsawon wani lokaci, ya bayyana cewa yarinyar na fama da matsalar jinya a ƙwaƙwalwarta wadda ke buƙatar kulawa ta musamman daga Gwamnatin Jihar Jigawa. A cewarsa, bayan an sako Walida tare da miƙa ta ga Gwamnatin Jigawa, an lura da sauyin tunani da halayya a tare da ita, inda a yanzu take ganin masu taimaka mata a baya a matsayin maƙiyanta, yayin da take kallon waɗanda ba su taka rawa wajen taimaka mata ba a…

27 Feb

Nijeriya tana buƙatar addu’a ta musamman a lokacin azumi, inji Hon. Yargiwa

ukarofiLabarai

Daga JAMIL GULMA a Kebbi Dan Majalisar Wakilai mai wakiltar kananan hukumomin Argungu da Augie a zauren majalisar wakilai Honarabul Sani Yakubu yargiwa ya yi kira ga al'umma da su dukufa wajen yi wa kasar nan addu'a ta musamman a wannan lokacin na watan Azumin Ramadan. Ya yi wannan kiran ne a garin Argungu lokacin da ya ke raba abinci a mazabarsa. Yargiwa ya ce ba shakka kasar nan tana cikin wani yanayi na damuwa musamman abinda ya shafi tsaro da talauci da ke Addabar al'umma. Ya bayyana cewa akwai kalubale ga shugabanni musamman wadanda al'umma suka taru suka zabe…

27 Feb

APC ta sauya tsarin rabon shugabancin jam’iyyar a Kano zuwa 50–50 maimakon 60-40

ukarofiLabarai

Daga IBRAHIM HAMISU a Kano Uwar Jam’iyyar APC ta ƙasa ta sauya tsarin rabon iko a Jihar Kano daga kaso 60–40 da ta amince da shi a farko zuwa 50–50 tsakanin ɓangaren Gwamna Abba Kabir Yusuf da ɓangaren tsohon gwamna Abdullahi Umar Ganduje tare da Mataimakin Shugaban Majalisar Dattawa, Barau Jibrin. Sauyin ya biyo bayan taron karɓar Gwamnan Kano, Alhaji Abba Kabir Yusuf, zuwa APC a ranar 16 ga Fabrairu, wanda ya gudana a Kano. Manhaja ta rawaito cewa taron ya bar baya da ƙura, inda jam'iyyar ta lura cewa, shugabannin APC na asali ne suka tara jama'a a taron…

27 Feb

Yadda ‘yan bindiga suka kori makiyaya daga gidajensu a Kaduna

ukarofiLabarai

Daga SANI AHMAD GIWA a Abuja Daruruwan Fulani makiyaya na cikin tsaka mai wuya a yankin ƙaramar Hukumar Kagarko da ke jihar Kaduna, saboda yadda 'yan bindiga suka raba su da shanunsu, sannan kuma suke musu ɗauki ɗai-ɗai don neman kuɗin fansa, baya ga ƙona musu gidaje. Yawanci makiyayan da sauran jama'ar garuruwa aƙalla biyar da ke yankin arewacin Kagarko a yanzu sun yi gudun hijira zuwa garin Kagarko, inda suka sami mafaka a kangaye da makarantu da gindin bishiyoyi. Wata mata da ke gudu hijira sakamakon wannan iftila'i da BBC ta zanta da ita ta waya, ta ce gaskiya…

27 Feb

Gwamnati ta gargaɗi masu haƙar ma’adanai a Zamfara

ukarofiLabarai

Daga SANI AHMAD GIWA a Abuja Jami’in kula da ma’adanai na ƙasa a Jihar Zamfara, Samuel Abunumah, ya gargaɗi masu haƙar ma’adanai da su guji amfani da abun fashewa ba bisa ƙa’ida ba, saboda matsalar tsaro da ake fama da ita a jihar. Ya ce sun damu kan yadda ababen fashewa ke yaɗuwa, musamman ganin cewa ’yan ta’adda na iya samun su cikin sauƙi. Saboda haka, ya bayyana cewa gwamnati za ta haɗa kai da jami’an tsaro domin tabbatar da an bi doka. A cewarsa, suna aiki tare da sashen kula da abubuwa masu fashewa na ’yan sanda domin gano…

27 Feb

Matasan Kasuwar Wayar Rijiyar Lemo sun nemi tallafin jari daga gwamnatin Kano – Salihu Ahmad

ukarofiLabarai

Daga MUHAMMADU MUJITTABA a Kano Shugaban ƙungiyar ‘Yan Kasuwar Wayar Rijiyar Lemo, Salihu Ahmad, ya buƙaci Gwamnatin Jihar Kano ƙarƙashin jagorancin Alhaji Abba Kabir Yusuf da ta tallafa wa matasan kasuwar da jarin kasuwanci domin bunƙasa sana’arsu. Salihu Ahmad ya bayyana cewa kasuwar ta tara matasa masu yawa da suka rungumi sana’ar sayar da waya da gyaranta, amma suna fuskantar ƙalubalen rashin isasshen jari wanda ke hana su faɗaɗa harkokinsu. A cewarsa, gwamnatin Kano na da kyakkyawan suna wajen tallafa wa matasa da al’umma, don haka suna fatan za a duba buƙatarsu, ko da ta hanyar rancen kuɗi mai sauƙin…

27 Feb

Tsaron makarantun Nijeriya: Wajibi ne a ɗauki matakin gaggawa

ukarofiRa'ayin Manhaja

Maganar Babban Kwamandan Hukumar Sibil Difens (NSCDC), Ahmed Audi, cewa sama da makarantu 60,000 daga cikin 81,000 a faɗin Nijeriya ba su da isasshen tsaro, lamari ne da ya girgiza zukata kuma ya kamata ya tayar da hankalin duk masu ruwa da tsaki. Wannan ba ƙididdiga ce kawai ba; alama ce ta giɓin da ke barazana ga rayuka da makomar yara miliyoyi. Audi ya bayyana hakan ne yayin karɓar baƙuncin Ministan Ilimi, Dakta Tunji Alausa, a ofishinsa da ke Abuja. Ya yi nuni da cewa yawancin waɗannan makarantu ba su da katanga, ba su da jami’an tsaro, kuma suna buɗe…