Labarai - Manhaja - Blueprint Hausa version

13 Dec

Kotu ta bada belin Yahaya Bello da ɗage zamanta zuwa 24 ga Fabrairu

BabajiLabarai

Daga BELLO A. BABAJI Babbar Kotun Tarayya dake Abuja, ta bada belin tsohon Gwamnan Jihar Kogi, Yahaya Bello akan Naira miliyan 500 da wakilcin mutune biyu. Hakan na zuwa ne a lokacin da tsohon gwamnan ya bayyana cewa ba shi da hannu a laifuka 19 da Hukumar EFCC ta shigar akansa. Tsohon gwamnan yana fuskantar tuhuma ne kan handame wasu kuɗaɗe da adadinsu ya kai Naira biliyan 80, inda ya musanta zargin da ake masa. A lokacin da aka kira sauraron ƙarar a ranar Juma'a, lauyan dake kare ɓangaren EFCC, Kemi Pinheiro (SAN) ya sanar da kotun yunƙurin bincikensu na…

13 Dec

Za a garƙame ku idan ku ka saci kuɗin ƙananan hukumomi – Antoni Janar ga ciyamomi

BabajiLabarai

Daga BELLO A. BABAJI Antoni-Janar na Ƙasa (AGF) kuma Ministan Shari'a, Frins Lateef Fagbemi (SAN) ya jaddada gargaɗi ga ciyamomi game da sata ko sauya aƙalar kuɗaɗen asusun ƙananan hukumominsu. Fagbemi ya bayyana hakan ne a Abuja, a ranar Alhamis, yayin taron Ƙungiyar Manema labarai na Ɓangaren Shari'a (NAJUC) da aka saba yi a duk shekara, inda ya yi nuni da muhimmancin tabbatar da gaskiya da adalci a yayin ayyukansu tare da tsoratar da su game da haɗarin dake cikin sace dukiyar ƙaramar hukuma wanda ya ce hakan ka iya sanya doka ta yi aiki akan duk wanda aka kama…

13 Dec

Gwamnan Katsina ya naɗa Abdulƙadir Mamman Nasir a matsayin shugaban mai’aikatan gidan gwamnati

BabajiLabarai

Hon. Abdulƙadir M. Nasir Daga ABDULLAHI MUHAMMAD a Katsina Gwamna Dikko Raɗɗa ya naɗa tsohon ɗan Majalisar Wakilai Abdulkadir Mamman Nasir (Andaje)a matsayin shugaban mai'aikatan gidan gwamnatin Jihar Katsina. Hon. Nasir ya canji Alhaji Ibrahim Jabiru Tsauri ne wanda ya samu muƙamin sabuwar ƙawance don cigaban Afrika ta NEPAD. Sanarwar ta fito ne daga babban Sakataren yaɗa labarai na gwamnan, Muhammad Kaula a wata takarda. Hon. Nasir ya samu takardar shaidar kammala karatun digirinsa ne a Jami'ar Bayero ta Kano kuma ya taɓa rike Hukumar raya Ruwa ta jihar Katsina. Sauran mukaman da Gwamna Raɗɗa ya naɗa akwai; Malik Anas…

13 Dec

Majalisar Tattalin Arziƙi ta buƙaci gwamnatocin jihohi su amince da shirye-shiryen kula da tsarin samar da abinci na Shugaban ƙasa

BabajiLabarai

Daga BELLO A. BABAJI Hakan na zuwa ne a lokacin da Mataimakin shugaban ƙasa, Kashim Shettima ya bayyana cewa, irin tattalin arziƙin da gwamnatin tarayya ta shuka ta hanyar kawo sababbin tsare-tsare da bayar da tallafi a shekarar 2024 ya fara yin ƴaƴa. Majalisar Tattalin Arziƙin Ƙasa (NEC) ta ɗauki matakin ne a ranar Alhamis, yayin taronta na 147 da mataimakin shugaban ya jagoranta a Fadar shugaban ƙasa da ke Abuja. Yayin gabatar da jawabinta, mai taimaka wa shugaban ƙasa kan dabarun noma a ofishin mataimakin shugaban kasa, kuma shugabar sashin kula da tsarin samar da abinci na shugaban ƙasa, Marion…

13 Dec

Za mu cigaba da rusau a Abuja ko ta halin ƙaƙa – Wike ga Majalisar Dattawa

BabajiLabarai

Daga BELLO A BABAJI Ministan Abuja, Nyesom Wike ya kare batun aikin rusau da ya ke yi a birnin na wasu gine-gine da suka saɓa ƙa'ida. Ya ce baki ɗaya gine-ginen da suke rushewa an yi su ne a filayen gwamnati ta bi ta haramtattun hanyoyi. Ya kuma tabbatar da cewa kasancewar ana cecekuce game lamarin, ba sa jin tsoron duk wani sharri da ake yi musu. Wike ya bayyana hakan ne a yayin taron raba babura ga hukumomin tsaro a sakatariyar hukumar kula da birnin (FCTA), a ranar Alhamis. Ministan ya ƙara da cewa, babu yadda za a yi…

13 Dec

Muna dab da warware matsalar da ɗaliban Kano a Cyprus ke fama da su – Abba

ukarofiLabarai

Daga SANI AHMAD GIWA a Abuja Gwamnan Kano, injiniya Abba Kabir Yusuf, ya yi alƙawarin tabbatar da cewa ɗaliban Kano da ke karatu a Cyprus sun sami shaidar kammala karatunsu. Wannan na ƙunshe ne cikin wani jawabi da ya fitar ta bakin Sunusi Dawakin-Tofa, darakta-janar na yaɗa labaran gwamnan Kano a ranar Litinin. Ya ce gwamnan a yanzu haka yana ƙasar ta Cyprus domin magance matsalar da ɗaliban suka daɗe suna fama da su. ɗaliban dai sun kasa karɓar shaidar karatunsu ne saboda rashin biyan kuɗin makaranta da gwamnatin da ta gabata a jihar Kano ta yi. “Abba ya yi…

13 Dec

Mun mayar da yara miliyan 1.5 makaranta a Borno – Zulum

ukarofiLabarai

Daga SANI AHMAD GIWA a Abuja Gwamnan Jihar Borno, Babagana Umara Zulum, ya ce gwamnatinsa ta mayar da yara sama da miliyan 1.5 makarantu a jihar. Ya ce adadin yara da aka mayar makarantu na wakiltar kashi 70 na yara miliyan 2.2 da aka gano ba sa zuwa makaranta a jihar. Gwamnan, ya bayyana hakan ne ranar Talata, lokacin da ya ƙaddamar da makarantar Sakandaren Gwamnati ta Mairi, wanda Daraktan Bankin Duniya, Dokta Ndiame Diop, ya halarta. Ya ƙara da cewa, cikin shekaru biyar da suka gabata, gwamnatinsa ta mayar da hankali wajen saka yara makaranta, inda ya bayyana cewa…

13 Dec

Za mu dawo da Mali, Nijar, Burkina Faso cikin ECOWAS ta hanyar diflomasiyya, Tinubu ga Shugaban Jamus

ukarofiLabarai

Daga SANI AHMAD GIWA a Abuja Shugaba Bola Ahmed Tinubu a ranar Laraba a Abuja, ya ce sha’awa da jin daɗin ‘yan ƙasar a Mali, Burkina Faso da Nijar su ne fifiko ga shugabannin ƙungiyar ECOWAS, yana mai ba da tabbacin cewa hikima da diflomasiyya za su yi tasiri wajen mayar da ƙasashen cikin ƙungiyar. Da yake karɓar baƙuncin shugaban ƙasar Jamus Frank-Walter Steinmeier a ziyarar da ya kai fadar shugaban ƙasa a ɓilla, Shugaba Tinubu, wanda shi ne shugaban ƙungiyar ECOWAS, ya ce shugabannin ƙasashen uku sun jajirce wajen fitar da shirye-shiryen miƙa mulki tare da bayyana ranakun. “Dangantakar…

13 Dec

Majalisar Dokoki ta tsige Lamiɗon Adamawa a matsayin Shugaban Majalisar Sarakuna

ukarofiLabarai

Daga SANI AHMAD GIWA a Abuja Majalisar Dokokin Jihar Adamawa ta amince da ƙudirin doka na kafa sabbin masarautu tare da naɗa sarakuna masu daraja ta ɗaya a jihar. Sabuwar dokar masarautun, wadda ke jiran amincewar Gwamna Ahmadu Fintiri, ta samu amincewa ne kwana ƙalilan bayan gwamnan ya rattaɓa hannu kan wata doka, Dokar ƙirƙiro Gundumomi ta Jihar Adamawa 2024, wadda ta samar da sabbin gundumomi guda 83 a ranar 4 ga Disamba. A wata wasiƙa da Mr. Fintiri ya aike wa 'yan majalisar a ranar Litinin, ya buƙaci su amince da ƙudirin doka da zai bayar da damar naɗa…

13 Dec

Mai aikin shara ya mayar da miliyan N40 da ya tsinta a Kano

ukarofiLabarai

Daga SANI AHMAD GIWA a Abuja Wani mai aikin sharar asibiti a Kano ya mayar da kuɗin da ya tsinta kimanin Naira miliya 40 ga mai su. Malam Aminu Umar Kokar Mazugal ya tsinci kuɗin ne a dalolin Amurka a cikin wata jaka da mai su ya manta a Asibitin Abubakar Imam da ke Unguwar Fagge. Malam Aminu wanda matsakaicin ma’aikaci ne ya tsinci kuɗin a cikin wata jaka kuma ya mayar da kuɗin ga mai su, Alhaji Ahmed Abubakar, wanda ya manta da su a lokacin da ya je dubiyar mara lafiya a asibitin. Alhaji Ahmed ya manta da…