Labarai - Manhaja - Blueprint Hausa version

06 Jul

Likitoci sun fara yajin aikin gargaɗi a Nasarawa

EditorLabarai

Daga BASHIR ISAH Ƙungiyar Likitoci ta Nijeriya (NMA) reshen Jihar Nasarawa, ta fara yajin aikin gargaɗi na kwana biyar bayan da gwamnati ta gaza wajen cim ma buƙatun mambobinta. Shugaban NMA a jihar, Mr. Peter Attah, shi ne ya bayyana haka ga manema labarai ranar Laraba a garin Lafia, babban birnin jihar. Ya ce sun yanke shawarar tafiya yajin aikin ne a wajen taron da ƙungiyar ta shirya a ranar Talata. Yana mai cewa, gwamnati ta gaza wajen cim ma buƙatunsu a cikin wa'adin kwanaki 21 da ƙungiyar ta ƙayyade mata farawa daga ranar 13 ga Yuni, 2023. Ya ƙara…

06 Jul

Zan gyara hanyar Kontagora-Tagina, Tagina-Minna – Gwamna Bago

EditorLabarai

Daga BASHIR ISAH Gwamnan Jihar Neja Muhammad Umar Bago, ya ba da tabbacin fara aikin gyaran hanyar Kontagora zuwa Tagina, Tagina zuwa Minna. Bago ya ba da wannan tabbacin ne sa'ilin da ya kai wa Sarkin Sudan na Kontagora, Alh. Muhammad Barau Mu'azu II, ziyarar goron sallah a masarautar Kontagora, a ranar Laraba. A cewarsa, hanyar Kontagora zuwa Tagina, Tagina zuwa Minna na buƙatar kulawa matuƙa don bai wa jama'a damar yin zirga-zirga cikin aminci da kuma kiyaye aukuwar haɗurra. Hanyoyin da lamarin ya shafa hanyoyi ne masu muhimmanci wanda sun daɗe da lalacewa amma na su samu kulawar gwamnatin…

05 Jul

Gwamnan Kano ya naɗa Hisham Habib shugaban Radio Kano

EditorLabarai

Daga IBRAHIM HAMISU a Kano Gwamnan Jihar Kano Abba Kabir Yusuf ya sanar da naɗin Hisham Habib, shugaban ƙungiyar 'yan jaridu ta yanar gizo reshen Jihar Kano, a matsayin Manajan Daraktan Gidan Rediyon Kano. Naɗin wanda ya fara aiki nan take, na cikin wata sanarwa da Hisham ɗin ya fitar, wanda kuma ke riƙe da muƙamin muƙaddashin mai magana da yawun gwamna Abba Kabir Yusuf. Hisham Habib gogaggen ɗan jarida ne, wanda ya yi digirinsa na farko a fannin Turanci a Jami’ar Bayero Kano, sannan ya yi digiri na biyu a fannin koyon aikin jarida. Kafin wannan naɗin, Hisham ya…

05 Jul

‘Yan bindiga sun sake kashe lauya a Zamfara

EditorLabarai

Daga BASHIR ISAH 'Yan bindiga sun kashe wani lauya mai suna Barista Ahmad Muhammad Abubakar a Jihar Zamfara. Majiyarmu ta ce 'yan bindigar sun bi margayin ne har gidansa da ke garin Kwatarkwashi, cikin Ƙaramar Hukumar Bungudu suka hallaka shi. Kafin rasuwarsa, marigayi Muhammad shi ne sakataren walwala na Ƙungiyar Lauyoyi ta Nijeriya reshen Gusau. Kazalika, shi ne ɗan takarar Majalisar Dokokin Jihar Zamfara a mazaɓar Bunguɗu ta Yamma ƙarƙashin Jam'iyyar NNPP a yayin babban zaɓen da ya gabata. Duk da dai Rundunar 'Yan Sandan Zamfara ba ta ce komai kan batun ba, sai dai majiya ta kusa da marigayin…

05 Jul

Zulum ya ƙaddamar da motoci 80 don jigilar manoma zuwa gona a Borno

EditorLabarai

Daga BASHIR ISAH A matsayin ɓangare na ƙoƙarin da Gwamnan Jihar Borno, Babagana Umara Zulum, ke yi don rage wa talakawansa raɗaɗin cire tallafin mai, Gwamnan ya saki manyan motocin bas-bas guda 80 haɗi da na ɗaukar kaya domin jigilar manona zuwa gona kyauta. A ranar Talata Zulum ya saki motocin don fara aiki kamar yadda aka tsara. Wannan na zuwa ne ƙasa da mako guda bayan da mayaƙan Boko Haram suka kai hare-hare a yankin Wulari inda suka kashe manoma takwas, da kuma yankin Bulajimban tare yi wa manoma bakwai yankan rago. Yayin da yake duba lafiyar hanyar da…

05 Jul

APC ta nesanta kanta da batun manyan muƙaman da aka naɗa a Majalisar Tarayya

EditorLabarai, Siyasa

Daga BASHIR ISAH Shugaban Jam'iyyar APC na Ƙasa, Sanata Abdullahi Adamu, ya nesanta jam'iyyar da batun manyan muƙaman da aka naɗa a Majalisar Tarayya kamar yadda shugabancin majalisar dattawa da ta wakilai suka sanar a ranar Talata. Yayin taro da Kwamitin Gudanawar na Ƙasa na jam'iyyar da ƙungiyar gwamnonin APC a Abuja, Adamu ya ce Majalisar Tarayya ta saɓa ƙa'ida wajen sanar da manyan jami'an da aka naɗa ba tare da sanin jam'iyyar ba kamar yadda tashar AIT ta rawaito. A zaman da majalisun suka yi a ranar Talata aka jiyo Shugaban Majalisar Dattawa, Sanata Godswill Akpabio da Shugaban Majalisar…

05 Jul

An yi naɗe-naɗen manyan muƙamai a Majalisar Tarayya

EditorLabarai, Siyasa

Daga BASHIR ISAH Shugaban Majalisar Dattawa, Sanata Godswill Akpabio da Shugaban Majalisar Wakilai, Tajudeen Abbas, sun yi naɗe-naɗe na manyan muƙamai a majalisar tarayya. A yayin zaman majalisun a ranar Talata Akpabio da Abbas suka sanar da naɗe-naɗen sabbin manyan muƙaman da aka yi. A Majalisar Dattawa, Akpabio ya ambaci Opeyemi Bamidele a matsayin Shugaban Masu Rinjaye, David Umahi a matsayin Mataimakin Shugaban Masu Rinjaye; Mohammed Ali Ndume a matsayin Mai Tsawatarwa na Masu Rinjaye, sai Lola Ashiru a matsayin Mataimakin Mai Tsawatarwa na Masu rinjaye. Yayin da a Majalisar Wakilai kuwa, Abbas ya ambaci Julius Ihonvbere daga Edo a…

04 Jul

An cafke kwamishinan Ganduje da wasu kan zargin rashawar N1bn a Kano

EditorLabarai

Daga BASHIR ISAH Hukumar Karɓar Ƙorafe-ƙorafen Jama’a da Yaƙi da Cin Hanci da Rashawa ta Jihar Kano, ta kama tare da tsare Kwamishinan Ayyuka da Samar da Ababen More Rayuwa na tsohuwar gwamnatin Ganduje, Idris Wada Saleh. Majiyarmu ta ce an tsare tsohon kwamishinan ne tare da wasu mutane biyar bisa zargin almundahanar Naira biliyan ɗaya. Majiyar ta ce Babban Sakataren Hukumar Kula da Harkokin Gwamnati, Mustapha Madaki Huguma da Daraktan Kuɗi da na Bincike da Tsare-tsare, na daga cikin waɗanda kamen ya shafa da yammacin Litinin. Ana zargin waɗanda lamarin ya shafa ne da yin kwanciyar kaza kan Naira…

03 Jul

BIDIYO: Shugabannin tsaro sun ziyarci Tinubu

EditorLabarai

Daga BASHIR ISAH Mai Bai wa Shugaban Ƙasa Shawara Kan Harkar Tsaro (NSA), Nuhu Ribadu, ya jagoranci sabbin shugabannin fannin tsaro haɗa da muƙaddashin Sufeto Janar na 'Yan Sanda (IGP), zuwa tattaunawa da Shugaba Bola Tinubu a Fadar Villa da ke Abuja a ranar Litinin. Mahalarta tattaunawar sun haɗa da Babban Hafsan Tsaro, Manjo Janar Christopher Musa; Shugaban Rundumar Sojin Ƙasa, Manjo Janar Taoreed Lagbaja; Shugaban Rundumar Mayaƙa Ruwa Rear Admiral Emmanuel Ogalla da sauransu. Idan dai ba a manta ba, makonni biyu da suka gabata ne Shugaba Tinubu ya naɗa sabbin shugabannin tsaron. Ga wani ɓangare na bidiyon ziyarar:

03 Jul

Mai yiwuwa tsadar kayayyaki a Nijeriya ya ƙaru da kashi 25 a ƙarshen 2023 – Bankin Duniya

EditorKasuwanci, Labarai

Daga BASHIR ISAH Bankin Duniya ya yi hasashen cewa bayan cire tallafin mai da aka yi a Nijeriya, mai yiwuwa hauhawar farashin kayayyaki a ƙasar ya ƙaru da kashi 25 cikin 100 ya zuwa ƙarshen 2023. A cikin rahoton da ya haɗa game da ci gaban da Nijeriya ta samu na watan Yuni 2023, Bankin ya ce galibi hauhawar farashin zai shafi kayan abinci ne sakamon tsadar kuɗin mota da ake fuskanta tun bayan cire tallafin mai. Bankin ya ce yanzu hauhawar farashin kayayyaki a ƙasar ya kai kashi 22.41 wanda hakan ya jefa Nijeriya cikin jerin ƙasashen da suka…