Labarai - Manhaja - Blueprint Hausa version

18 May

Hukumar NDLEA ta cafke ‘yan zaman sheƙe aya 84 a Kano

EditorLabarai

Daga IBRAHIM HAMISU a Kano Hukumar Yaƙi da Sha da Fataucin Miyagun Ƙwayoyi, NDLEA, shiyyar Kano, ta cafke mutane 84 yayin samamen da ta kai wani wurin shaƙatawa mai suna Bubble Club. Hukumar, ta bayyana hakan ne ta cikin wata sanarwa da jami’in hulɗa da jama’a na hukumar, ASN Sadik Muhammad Maigatari, ya fitar ranar Talata. ASN Sadik ya ce, sun samu ƙorafe-ƙorafe daga mazauna yankin cewa suna zargin an mayar da wurin na shaye-shayen miyagun ƙwayoyi wanda hakan ya sa Kwamandan hukumar Abubakar Idris, ya fara tura jami’an hukumar na farin kaya domin tabbatar da zargin, kuma daga bisani…

18 May

Ɗan takarar da Gbajabiamila ke son ya gaje shi barazana ce ga dimokuraɗiyyar Nijeriya – Hon. Nalaraba

EditorLabarai, Siyasa

Daga SANI AHMAD GIWA Honorabul Abubakar Hassan Nalaraba ya bayyana cewa shirin da ake zargin Kakakin Majalisa, Femi Gbajabiamila na yi na ɗora Hon. Abbas Tajuddeen a matsayin wanda zai gaje shi a Majalisar Wakilai ta 10 yana da haɗari ga dimokuraɗiyyar Nijeriya. Ya bayyana hakan ne a wani taron manema labarai da ya kira a Abuja, kan zargin dambarwa da ake yi wa ɗan takara a tsarin dimukoraɗiyya, inda ya bayyana hakan a matsayin savani, rashin bin tsarin dimokuraɗiyya, mulkin kama-karya da kuma babban hatsari ga dimokuraɗiyya, savanin ɗan takararsa, Honorabul Mukhtar Aliyu Betara da ba shi da tsara.…

16 May

Tinubu ya gana da Kwankwaso a Faransa

EditorBabban Labari, Labarai

Daga BASHIR ISAH Zaɓaɓɓen Shugaban Ƙasa mai jiran gado, Bola Ahmed Tinubu, ya gana da ɗan takarar shugaban ƙasa na Jam'iyyar NNPP, Rabiu Kwankwaso, a Paris, babban birnin ƙasar Faransa. Bayanai sun ce Tinubu da Kwankwaso sun yi ganawar sirri bayan haɗuwar tasu inda suka shafe sa'o'i huɗu suna tattaunawa. Majiyarmu ta ce tattaunawar tasu ta shafi yadda za a yi tafiya tare da Kwankwaso a gwamnati mai jiran gado kasancewar Tinubu na da ra'ayin kafa gwamnati ta haɗin kan ƙasa. Kazalika, majiyar ta ce daga cikin batutuwan da suka tattauna har da batun shugabancin majalisar tarayya. Wadanda suka halarci…

16 May

Bincike ya nuna yin waya fiye da minti 30 a mako na saka hawan jini

EditorLabarai

Masana kiwon lafiya sun gano cewa yin waya na sama da minti 30 a mako guda na haddasa ƙaruwar cutar hawan jini da kashi 12. Rahoton da Ƙungiyar Likitocin Zuciya na Nahiyar Turai ta fitar a ranar Juma’a ya buƙaci jama’a da su takaita yin waya domin kare lafiyar zukatansu. Kamfanin Dillancin Labaran Nijeriya (NAN) ya ruwaito cewa rahoton likitocin da aka wallafa a mujallar Digital Health yana nuna yin waya na sama da minti 30 a mako na ƙara barazanar kamuwa da cutar hawan jina da kashi 12 cikin 100. Mujallar, wadda a mayar da hankali a kan yadda…

16 May

Ku zauna da shirin karɓar baƙuncin EFCC, shawarar Ɗankwambo ga gwamnoni masu barin gado

EditorLabarai

Daga BASHIR ISAH Tsohon Gwamnan Jihar Gombe, Ibrahim Dankwambo, ya shawarci gwamnoni masu barin gado da su zauna da shirin karɓar baƙuncin hukumar EFCC da ICPC da dangoginsu waɗanda za su yi musu tambayoyi masu buƙatar amsoshi. Ɗankwambo ya shawarci gwamnonin ne a wajen taron walimar ban-kwanan da da aka shirya musu a Otel ɗin Transcorp da ke Abuja a ranar Lahadin da ta gabata. Da yake jawabi a wajen taron, tsohon gwamnan Jihar Kwara, Bukola Saraki, ya yi kira ga gwamnoni 18 masu barin gado da su sai-saita kansu bayan barin mulki don cigaban ƙasa. Saraki ya ce, “Bayan…

15 May

Da Ɗumi-ɗumi: Likitoci sun kammala shirin fara yajin aikin gargaɗi

EditorLabarai

Ƙungiyar Likitoci ta Ƙasa (NARD), za ta fara yajin aikin gargaɗi na kwana biyar. Ƙungiyar ta ce ta ɗauki wannan mataki ne bayan da Gwamnatin Tarayya ta gaza wajen cimma buƙatun mambobinta. Sanarwar da ƙungiyar ta fitar ranar Litinin ta ce, an cimma shawarar fara yajin aikin ne bayan taron da shugabanin ƙungiyar suka gudanar ta bidiyo inda suka shafe sa'o'i shida da rabi suna tattaunawa Likitocin sun ce yajin aikin zai fara ne daga ƙarfe 8:00 na safiyar ranar Larba, 17 ga Mayu, sannan ya ƙare ran Litinin, 22 ga Mayu da ƙarfe 8:00 na safe. Kafin wannan lokaci…

15 May

Ɗan ta’adda ya kashe kansa da bom a Kaduna

EditorLabarai

Wani da ake zargin ɗan Boko Haram ne ya yi ƙunar baƙin wake inda ya tada bom ya kashe kansa a Kaduna. Bayanan da Manhaja ta kalato sun ce, ɗan ta'addan ya kashe kansa ne gudun kamun jami'an tsaro. Lamarin ya faru ne da safiyar ranar Litinin a ƙauyen Keke, cikin Ƙaramar Hukumar Chikun, Jihar Kaduna kamar yadda jaridar News Point Nigeria ta rawaito. Kakakin 'yan sandar jihar, Muhammed Jalige, ya tabbatar da faruwar hakan. Majiyar News Point Nigeria ta ce, da ma ɗan ta'addan na daga jerin ɓata-garin da jami'an tsaron yankin ke nema ruwa a jallo. Majiyar ta…

15 May

CAN ta buƙaci ’yan siyasar da suka yi nasara su rungumi kowa

EditorLabarai

Daga JOHN D. WADA a Lafiya A yanzu da aka kammala duka zaɓukan gama-gari na 2023, an yi kira na musamman ga ’yan siyasa a dukka matakai a jihar Nasarawa da ƙasa baki ɗaya su tabbatar sun rungumi aƙidar zaman lafiya da haɗa kawunan al’umma maimakon ta da zaune tsaye da sauran su. Shugaban Ƙungiyar Mabiya Addinin Kirista ta Ƙasa (CAN), reshin Jihar Nasarawa Dokta Sunday Emmah ne ya yi wannan kira a lokacin da yake tattauna da wakilinmu a gidan sa dake Lafiya fadar gwamnatin jihar a ƙarshen makon da ya gabata. Ya ce, ba shakka kiran yazama wajibi…

15 May

Tsadar rayuwa: Kamfanin MTN zai ƙara kuɗin kira da farashin data

EditorKasuwanci, Labarai

Daga MAHDI M. MUHAMMAD Kamfanin Telecomms na MTN, ya ce, yana shirin ƙara farashin ayyuka a layinsa saboda hauhawar farashin kayayyaki a wuraren aiki. An bayyana hakan ne a cikin rahoton kafanin na farko da aka shigar a kasuwar hada-hadar hannayen jari ta Johannesburg a ranar Alhamis. A hasashen da ta yi na sauran shekarar 2023, kamfanin ya MTN ya ce, “Muna sa ran cewa yanayin kasuwanci a faɗin kasuwanni zai ci gaba da zama ƙalubale har zuwa ƙarshen shekarar 2023 kuma za mu ci gaba da aiwatar da matakan da za mu ɗauka don shawo kan ƙalubalen da ke…

15 May

Hajjin Bana: NAHCON da kamfanonin jirgin sama sun amince da ƙarin kuɗin Hajji $250

EditorLabarai

Shugaban Hukumar Hajji ta Ƙasa (NAHCON), Zikrullah Hassan, ya ce kamfanonin jirgin sama na cikin gida da aka amince su yi jigilar maniyyatan Hajjin bana, sun buƙaci a ƙara kuɗin Hajji da $250. A cewarsa, kamfanonin da suka buƙaci ƙarin sun haɗa da Air Peace, Azman, Max Air da kuma Aero Contractors. Ya ƙara da cewa, sun buƙaci hakan ne sakamakon rikicin da ke aukuwa a ƙasar Sudan, wanda hakan zai tilasta musu yin zagaye da tafiya mai nisan zango kafin isa Saudiyya a lokacin jigilar maniyyatan. Wannan ne ma ya sa kamfanonin suka ƙi sanya hannu a yarjejeniyar aiki…