Labarai - Manhaja - Blueprint Hausa version

20 May

Majalisar Wakilai ta amince wa Buhari karɓar bashin N368bn daga Bankin Duniya

EditorBabban Labari, Labarai

Majalisar Tarayya ta Ƙasa ta amince wa Shugaban Ƙasa Muhammadu Buhari da ya kinkimo bashin Naira biliyan 368.7 (Dala miliyan 800) daga Bankin Duniya. Mamba a Kwamitin Majalisar Wakilai kan Sha'anin Bashi da Tallafi, Abubakar Yunusa Ahmad, shi ne ya bayyana haka a wani shiri da Tashar Channels Television ta yi da shi a ranar Juma'a. Sai dan majalisar ya ce ba za a yi amfani da bashin ba a gwamnatin Buhari mai ƙarewa. Yana mai cewa, gwamnati mai jiran gado ce za ta sarrafa bashin don cimma manufar da ta sa aka ciyo shi. A cewarsa, game da Dala…

19 May

Ba a biya mu kuɗin aikin zaɓen 2023 ba, cewar wasu masu aikin wucin-gadi na INEC

EditorLabarai

Daga SANI AHMAD GIWA a Abuja Wasu daga cikin ma’aikatan wucin-gadi da suka yi aikin zaɓen 2023 a Nijeriya sun koka kan rashin biyan su kuɗaɗen alawus-alawus na aikin da suka yi. Ma’aikatan waɗanda suka ce suna da yawan gaske a faɗin ƙasar sun nemi Hukumar Zaven, INEC ta taimaka ta biya su haƙƙoƙinsu. A watannin Fabarairu da kuma Maris ɗin shekarar 2023 ne aka gudanar da zaɓukan Shugaban Ƙasa da na ‘yan majalisu da kuma gwamnoni a Nijeriyar. Ɗaya daga cikin irin waɗannan ma'aikatan na wucin-gadi daga jihar Kano ya shaida wa BBC cewa a jihar kaɗai akwai abokan…

19 May

Rikici ya ɓarke a Majalisar Wakilai kan zargin karkatar da maƙudan kuɗaɗe

EditorLabarai

Daga MAHDI M. MUHAMMAD Mambobin Majalisar Wakilai na shirin yin kaca-kaca da Kakakin Majalisar, Femi Gbajabiamila bisa zargin karkatar da wasu maƙudan kuɗaɗe da suka kai dala miliyan 15 daga ɓangaren zartarwa na gwamnati. ’Yan majalisar da suka fusata sun yi zargin cewa Gbajabiamila ya ƙulla yarjejeniya da ɓangaren zartaslrwa a madadin majalisar na zartar da hanyoyin da za a bi wajen karɓo bashi daga babban bankin Nijeriya (CBN) na Naira tiriliyan 22.7, amma sai ya gajarce daga abokan aikinsa wajen raba dala miliyan 15 da aka bai wa Majalisar don jin daɗin yarjejeniyar. Rikicin da ake fama da shi,…

19 May

An kashe mutane aƙalla 85 a rikicin yankin tsakiyar Nijeriya – Rahoto

EditorLabarai

Daga MAHDI M. MUHAMMAD Sama da mutane 3,000 ne suka rasa matsugunansu a tsakiyar Nijeriya bayan da aka kashe mutane 85 a rikicin makiyaya da manoma, a cewar wani rahoto a ranar Alhamis. Rikicin ya ɓarke ne a ranar Litinin da ta gabata, inda aka kashe mutane 30, a ƙauyuka da dama na Jihar Filato, yankin da ya kwashe shekaru yana fama da rikicin ƙabilanci da addini. Rikicin dai ɗaya ne daga cikin ɗimbin ƙalubalen tsaro da ke fuskantar zaɓaɓɓen Shugaban Ƙasa, Bola Tinubu, wanda zai karɓi ragamar mulkin ƙasar da ta fi yawan al’umma a Afirka a ƙarshen wannan…

19 May

Ma’aikacin Leadership Hausa, Sabo Ahmad ya rasu

EditorLabarai

Jaridar Leadership Hausa ta rasa shugaban sashen fassara, Malam Sabo Ahmed Kafin-Maiyaki wanda ya rasu a ranar Alhamis 18 ga watan Mayu, 2023 yana da shekaru 54 a duniya bayan doguwar jinya. A cewar Leadership Hausa, sanarwar da iyalansa suka fitar, Malam Sabo ya rasu ya bar mata biyu da ‘ya’ya 10 da kuma ɗan uwa guda ɗaya. Sanarwar ta kuma bayyana cewa, za a yi jana’izarsa a ranar Juma’a, 19 ga watan Mayu, 2023 a Samaru, Zariya, a Jihar Kaduna. Da yake ƙarin haske, Editan Leadership Hausa, Abdulrazaq Yahuza Jere, ya bayyana Malam Sabo a matsayin babban ginshiƙin sashen…

19 May

Majalisar Dattawa ta tsawaita bincike kan zargin NDDC da yin mu’amalar kuɗaɗe ba tare da izini ba

EditorLabarai

Daga SANI AHMAD GIWA a Abuja Majalisar Dattijai ta bada ƙarin lokaci ga kwamitin wucin-gadi da ta kafa domin binciken wasu maƙudan kuɗaɗe da ake zargin Hukumar Raya Yankin Neja Delta (NDDC) ta yi mu'amalarsu ba tare da izini ba. Kwamitin wanda Yusuf Yusuf (APC, Taraba ta Tsakiya) ya jagoranta, an kafa shi ne a zaman majalisar a ranar Talatar da ta gabata, domin gudanar da bincike kan ma’amalolin da hukumar ta NDDC ta yi a kasafin kuɗinta na 2021 da 2022 ba tare da amincewar majalisar dattawa ba. Majalisar dattijai ta umarci kwamitin da ya gabatar da rahotonsa cikin…

19 May

Na bar ‘ya’ya na uku domin saduwa da iyayena – Cewar ɗalibar Chibok da aka ceto

EditorLabarai

Daga SANI AHMAD GIWA a Abuja Kwamandan Operation Haɗin Kai, Manjo Janar Ibrahim Ali, ya ce sun ceto wata ‘yar makarantar Chibok, Saratu Dauda, wadda ta bar ‘ya’yanta uku tare da ‘yan ta’adda a dajin Sambisa da ke jihar Borno. Hakan ya zo ne kwanaki kaɗan bayan wasu abokan karatunta guda biyu Esther Marcus da Hauwa Maltha, sun tsere, inda sojojin Nijeriya suka same su tare da kai su ga gwamnatin jihar Borno. Ali, yayin da yake miƙa Saratu ga kwamishiniyar harkokin mata ta jihar Borno, Zuwaira Gambo, a ranar Litinin ɗin da ta gabata, ta ce sojoji sun cetota…

18 May

Hukumar DSS ta yi ram da Baffa Hotoro

EditorLabarai

Daga IBRAHIM HAMISU a Kano Jami'an tsaron farin kaya na DSS a Kano sun cafke matashin nan Baffa Hotoro da ake zargi da yin sakin baki ga Manzon Tsira (S.A.W) Tun a watan azumin da ya gabata ne dai Gwamnan Kano, Dr. Abdullahi Umar Ganduje, ya sanar da cewa an kama matashin amma daga bisani Baffan ya fito a bidiyo ya musanta hakan, inda ya ce yana Saudiyya aikin Umara. Amma a ranar Alhamis hukumar DSS a Kano ta tabbatar wa da gidan Radio Freedom Kano cewa suna tsare da Baffa Hotoro.

18 May

‘Yan bindiga sun sace masu yi wa ƙasa hidima a Ribas

EditorLabarai

Daga BASHIR ISAH 'Yan bindiga sun sace wasu masu yi wa ƙasa hidima (NYSC) a kan hanyarsu ta zuwa Fatakwal bayan sun sallami sansanin 'yan yi wa ƙasa hidima a Jihar Ondo. Rahotanni daga yankin sun ce, waɗanda lamarin ya shafa wanda ba a tantance yawansu ba, an yi garkuwa da su ne a ranar Talata da misalin ƙarfe 9 na dare. Wani ganau wanda 'yar uwarsa na daga cikin waɗanda aka yi garkuwa da su ɗin, ya tabbatar wa wani gidan rediyon Fatakwal faruwar hakan a ranar Laraba. Ya ce lamarin ya auku ne a yankin Rumuji cikin Ƙaramar…

18 May

Babu mahalukin da zai hana rantsar da Tinubu – Sarkin Musulmi

EditorLabarai

Daga BASHIR ISAH Mai Alfamar Sarkin Musulmi kuma Shugaban Majalisar Ƙoli ta Harkar Muslunci a Nijriya, (NSCIA), Alhaji Muhammadu Sa’ad Abubakar III, ya ce babu wani mahalukin da zai dakatar da rantsar da Zaɓaɓɓen Shugaban Ƙasa, Asiwaju Bola Tinubu, ya zuwa ranar 29 ga Mayu. Basaraken ya bayyana hakan ne sa’ilin da yake jawabi a wajen wani taro da Bankin Duniya ya shirya a Abuja ranar Laraba. Ya ce maimakon ƙoƙarin dagula wa rantsawar lissafi kamata ya yi ’yan Nijeriya su himmantu da yi wa gwamatin Tinubu addu’a da fatan nasara. A cewarsa: “Dole a samu canji, saboda nan da…